लूका 11:36 - Garhwali

³⁶ इलै अगर जु तेरु पूरु सरील उज्याळा मा च अर वेको कुई भि अंग अन्धेरा मा नि हो, त तू यू जाणि ले कि यू सभि अंग इन चमकला जन वे बगत होन्दु, जब द्‍यू अपणी चमक का द्‍वारा त्वेतै उज्याळु देन्दु।”

गढवली नयो नियम

³⁶ इलै जु तेरु सैरो देह उजलो हो अर वेकु कुई हिस्सा अंधेरो नि रौ त सभि इन उजलो होलो जन वे बगत हूंद जब दिवडा अपड़ी चमक से त्वे तैं उज्यलो दींदु।

लूका 11:36 Referans Kwoze

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।

कुलुसी 3:16

अर यीशु मसीह का वचन तैं अपणा मन मा स्वीकार कैरा, अर वे सिद्ध ज्ञान से एक-दुसरा तैं सीखा, अर चितौणा रा। अर मन से पिता परमेस्वर की बडै खुणि धन्यवाद का भजन गा, अर वेका गुणगान खुणि आत्मिक गीत गा। अर वेतैं आदर-सम्मान देणु खुणि वेकी तारीफ कैरा।

याकूब 1:25

पर जु मनखि परमेस्वर का नियम-कानून पर ध्यान देन्दु, अर ऊंतैं सुणी के भूली नि जान्दु, बल्किन मा पालन करदु तब उ अपणा हरेक काम मा आसीस पौन्दु। किलैकि नियम-कानून उत्तम अर आजाद करण वळा छिन।

इब्रानी 5:14

पर अन्‍न त बड़ा लोगु खुणि च, जु कि अपणा जीवन का तजुर्बो का द्‍वारा भलै अर बुरै का बीच मा फरक कैरी सकदिन।

इफिसुस 4:14

अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

मत्ती 13:52

तब वेन ऊंतैं बतै कि, “हरेक शास्‍त्री तैं परमेस्वर का राज की शिक्षा मिली च, अर ऊ घौर का मालिक का जन छिन, जु कि अपणा कुठार बटि नई अर पुरणि चीजों तैं निकळदिन।”

मत्ती 5:15

अर लोग द्‍यू बाळि के कटोरा का तौळ ढकै के नि रखदिन, बल्किन मा एक ऊँची जगा पर रखदिन, ताकि उ घौर का सब लोगु तैं उज्याळु दे सैको।

लूका 11:35

इलै ध्यान रखा, कि कखि तुमरो उज्याळु अन्धेरा मा नि बदलि जौ।

लूका 11:37

अर जब यीशु इन बोन्‍नु ही छौ, कि फरीसी दल मदि एक मनखि वेसे बिन्ती कैरिके वेतैं अपणा इख खाणुक पर बुलै। अर उ वेका इख भितर जैके खाणुक खाणु कू बैठि गै।