लूका 11:29 - Garhwali

²⁹ अर जब लोग जादा होण लगि गैनी तब यीशु न बोलि, “यू लोग चिन्‍न खुज्यौदिन, मगर यों तैं परमेस्वर का रैबर्या योना का चिन्‍न का अलावा कुई चिन्‍न नि दिखये जालु, किलैकि ये जमना का लोग दुष्‍ट छिन।

गढवली नयो नियम

²⁹ जब भीड़ कट्ठा हूंदी जांणि छै त यीशु बुल्ण लगि गै कि, “यु बगत का बुरा लोग चमत्कार का चिन्ह ढुंडदिनि पर योना परमेश्वर का तरपां बट्टी बुल्ण वला का दगड़ा जु हवे वे चिन्ह तैं छोड़ी के कुई और चिन्ह ऊं तैं नि दिये जालो।

लूका 11:29 Referans Kwoze

लूका 11:16

तब कुछ लोगु न वेकी अजमैस करण खुणि वे बटि एक स्वर्गीय चिन्‍न की मांग कैरी।

1 कुरिन्थि 1:22

अर यहूदी जाति का लोग त चमत्कारों की मांग करदिन, मगर जु लोग यहूदी जाति का नि छिन वु लोग ये ज्ञान का बारा मा सुनण चनदिन,

लूका 12:1

अर जब यीशु शास्‍त्री का इख बटि ऐ गै, त यीशु तैं मिलणु खुणि बिजांम लोगु की भीड़ इकट्‍ठा ह्‍वे गै, अर लोगु की संख्या इथगा छै, कि वु एक-दुसरा पर फरक्योंणा छा। तब यीशु न सबसे पैलि अपणा चेलों कू बोलि कि, “सुणा, फरीसी लोगु का ढोंग रुपी खमीर से चौकस रा।

यूहन्ना 8:44

अर तुम अपणा बुबा शैतान की तरफा बटि छाँ अर वेकी मनसा तैं पूरि करण चान्दा छाँ। उ त पैलि बटि हत्यारू च अर सच्‍चै पर नि टिक्यूं रौन्दु, किलैकि सच्‍चै वेमा छैई नि च। अर जब उ झूठ्‍ठ बुल्दु, त अपणा ही सभौ बटि बुल्दु। किलैकि उ त झूठ्‍ठु च, बल्किन मा झूठ्‍ठों को बुबा च।

यूहन्ना 6:30

तब ऊंन वेकू बोलि, “तुम हमतै कु जि अदभुत चिन्‍न दिखैल्या, कि हम वेतैं देखि के तुम पर बिस्वास कैरा?

यूहन्ना 2:18

अर यहूदियों का मुखिया लोगु न यीशु तैं पूछी, “यू सब करणु को त्वेतै अधिकार च, यू साबित करणु कू तू हमतै कु चिन्‍न दिखै सकदी?”

लूका 11:50

“अर दुनियां की शुरुवात से लेके अभि तक जथगा भि रैबर्यों को खून किये गै, ऊं सभ्यों की मौत को हिसाब ये जमना का लोगु बटि लिये जालु।

लूका 9:41

तब यीशु न जबाब देई, “हे बिस्वास नि करण वळो अर भ्रष्‍ट पीढ़ी का लोगु, आखिर मा मि कब तक तुमरा दगड़ा मा रौलु, अर कब तक तुमरि सौलु? जा, अपणा नौना तैं इनै लेके अऽ।”

मरकुस 8:38

अर कुई मनखि परमेस्वर तैं छोड़ के चलि जान्दु अर ईं पापि पीढ़ी का लोगु का समणि मि बटि अर मेरा वचनों बटि सरमान्दु, त जब मनखि को पुत्र भि अपणा पवित्र स्वर्गदूतों का दगड़ा, अर अपणा पिता की सामर्थ का दगड़ा मा वापस आलु, त उ भि वे मनखि से सरमालु।”

मत्ती 3:7

अर जब यूहन्‍ना न भौत सरा फरीसी दल का लोगु तैं अर सदूकियों तैं बपतिस्मा लेण कू अपणा पास औन्द देखि, त वेन ऊंकू बोलि, “हे गुरौ का बच्‍चों, तुमतै कैन चितै की परमेस्वर का औण वळा परकोप से दूर भागा?