लूका 11:26 - Garhwali

²⁶ फिर उ खबेस वापिस जैके अपणा दगड़ा मा सात और भि बुरा खबेसों तैं लेके औन्दु, अर ऊ वे मनखि मा रौण लगि जनदिन, अर तब वे मनखि की दसा पैलि से भि और बुरी ह्‍वे जान्दी।”

गढवली नयो नियम

²⁶ तब दुष्टात्मा जै के अफ बट्टी सात बुरी दुष्टात्मा तैं अफ दगड़ी लौंद अर उ वेमा मनिख मा घुस कर वास करदी, वे मनिख की पिछली दशा पैली दशा से भि बुरी हवे जांद।

लूका 11:26 Referans Kwoze

यूहन्ना 5:14

फिर येका बाद यीशु वे मनखि तैं मन्दिर मा मिली अर वेकू बोलि, “देख, तू खूब ह्‍वे गै। अब येका बाद पाप नि कैरी, कखि इन ना हो कि त्वे पर येसे भि जादा विपदा ऐ जौ।”

मत्ती 12:45

तब उ खबेस वापिस जैके अपणा दगड़ा मा सात और भि बुरा खबेसों तैं लेके औन्दु, अर ऊ वे मनखि मा रौण लगि जनदिन, अर तब वे मनखि की दसा पैलि से भि और बुरी ह्‍वे जान्दी। ईं पीढ़ी का बुरा लोगु की हालत भि इन्‍नि ह्‍वेलि।”

1 यूहन्ना 5:16

अर अगर तुम मा बटि कुई कै भै या बैंण तैं इन पाप करद देखो, जु की वेतैं परमेस्वर बटि हमेसा खुणि दूर नि करदु, त तुमतै वे खुणि प्रार्थना करण चयेणी। अर परमेस्वर वेतैं जीवन द्‍यालु, जैन इन पाप नि कैरी जैकी वजै से उ मनखि परमेस्वर से दूर ह्‍वे जौ। मगर कुछ पाप इन्द्रया भि छिन जु कि ऊंतैं परमेस्वर बटि हमेसा खुणि दूर कैरी देन्दिन, अर इन्दरि बातों का बारा मा प्रार्थना करणु खुणि मि नि बुल्दु।

मत्ती 23:15

“हे शास्‍त्री अर फरीसी दल का लोगु, तुम पर हाय च, अर तुम बड़ा ढोंगि छाँ, किलैकि तुम एक मनखि तैं यहूदी बणौणु खुणि दिन-रात एक कैरी देन्द्‍यां। अर जब तुम वे मनखि तैं यहूदी बणै देन्द्‍यां त इन कैरिके तुम वेतैं अफ से भि जादा नरकलोक का लैख बणै देन्द्‍यां।

लूका 11:25

तब उ वापिस ऐके वे घौर तैं साफ-सुत्रो अर सज्युं-धज्युं पौन्दु।

लूका 11:27

अर जब यीशु यों बातों तैं बुलणु ही छौ, कि भीड़ मा बटि एक जनानि न ऊँची आवाज मा बोलि, “धन्य च वा कोख जैमा तू रै, धन्य च वा माँ जिं को तिन दूद पेई।”