लूका 10:37 - Garhwali

³⁷ तब वेन बोलि, “गुरुजी, उ सामरी जैन वे पर दया कैरी।” तब यीशु न वेकू बोलि, “जा, तू भि इन्‍नि कैर।”

गढवली नयो नियम

³⁷ वेल बोलि, उ ही जैल वे पर दया कैरी यीशु ल वेमा बोलि, “जा तू भि इन ही कैर।”

लूका 10:37 Referans Kwoze

1 पतरस 2:21

अर जन यीशु मसीह न हमरा खातिर दुख झेली, अर हम खुणि एक उदारण बणि गै, ठिक उन्‍नि हमतै भि भला काम करणु खुणि बुलये गै, अर पिता परमेस्वर का मुताबिक हमतै यीशु मसीह का बाटा पर चलण चयेणु, अब चै वेमा कथगा ही दुख किलै नि हो।

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

मत्ती 23:23

“हे शास्‍त्री अर फरीसी दल का लोगु, तुम पर हाय च अर तुम भौत बड़ा ढोंगि छाँ, किलैकि तुम पुदीना, सौंफ अर जीरा की तरौं छुटी-छुटी चीजों को भि दसुं हिस्सा देन्द्‍यां, पर परमेस्वर का नियम-कानूनों मा जु खास-खास बात छिन ऊंतैं तुम छोड़ि देन्द्‍यां, जु कि जादा जरुरी छौ, जन कि न्याय करण, खरु मनखि बणण, दुसरा लोगु पर दया करण, अर भरोसा का लैख बणण। अर हरेक चीज को दसुं हिस्सा देण अच्छी बात च, मगर येका दगड़ा-दगड़ि तुमतै परमेस्वर का नियम-कानूनों की खास बातों पर भि ध्यान देण चयेणु छौ।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

लूका 10:36

तब यीशु न वे शास्‍त्री बटि पूछी, “अब इन बतौ त्वेतै क्या लगदु, कि यों तिन्युं मा बटि कु जि वेकू सच्‍चु पड़ोसी होलु जैतैं डाकुओं न घेरियली छौ?”

लूका 10:38

एक बार यीशु अर वेका चेला जाणा छा, त वु एक गौं मा गैनी, तब मारथा नौ की एक जनानि न अपणा घौर मा ऊंको स्वागत कैरी।