लूका 10:17 - Garhwali

¹⁷ अर फिर यीशु का द्‍वारा चुण्यां सत्तर लोग खुश ह्‍वेके वापस ऐनी अर बोन्‍न लगि गैनी, “प्रभु, तुमरा नौ से त खबेस भि हमरा समणि हार माणी जनदिन।”

गढवली नयो नियम

¹⁷ उ सत्तर चेला खुशी से ऐ के बुल्ण लगि गैनी “हे प्रभु दुष्टात्माओं ल भि हमारी बात मांणी जब हम ल तेरा नौं से आज्ञा दींनि।”

लूका 10:17 Referans Kwoze

रोमियों 16:20

अर शान्ति देण वळु परमेस्वर जल्द ही शैतान तैं तुमरा खुटा का तौळ कैरी दयालु। अर मि इन प्रार्थना करदु, कि हमरा प्रभु यीशु मसीह की किरपा तुमरा दगड़ा मा बणि रौ।

मरकुस 16:17

अर बिस्वास करण वळा लोगु मा यू चिन्‍न होला, वु मेरा नौ से खबेसों तैं निकळळा, अर नई-नई भाषा बुलला,

लूका 9:1

तब यीशु न बारह चेलों तैं एक साथ बुलै, अर ऊंतैं सब खबेसों तैं निकळणु को अर बिमारियों तैं खूब करण की सामर्थ अर अधिकार दिनी।

लूका 10:1

अर यों सब बातों का बाद प्रभु यीशु न और सत्तर लोगु तैं चुणी, अर ऊंतैं दुई-दे कैरिके अपणा अगनै हर वे नगर अर वीं जगा भेजि, जख यीशु जाण चान्दु छौ।

लूका 10:9

अर जु लोग उख बिमार छिन ऊंतैं खूब कैरा अर ऊंतैं बतै द्‍या कि, ‘परमेस्वर को राज तुमरा नजदीक ऐ गै।’

मत्ती 4:24

अर पूरा सीरिया मुलक मा वेकी चर्चा फैली गै। अर लोग वेका पास बन्‍नि-बन्‍नि किसम का दुख-बिमारियों मा पोडयां लोगु तैं, अर खबेस लग्यां लोगु तैं लेके ऐनी। अर जौं लोगु पर मिर्गी औन्दी छै, अर जु लोग लकवा मा पोड़यां छा ऊंतैं भि यीशु का पास लये गै अर वेन ऊं सब लोगु तैं खूब कैरी।

लूका 10:20

पर फिर भि ईं बात से आनन्द नि मणा, कि खबेस भि तुमरा समणि हार माणी जनदिन। मगर ईं बात को आनन्द मणा, कि तुमरा नौ स्वर्ग मा लिख्यां छिन।”

इफिसुस 5:24

हाँ मेरी बैंणो, जन बिस्वासी समुदाय यीशु मसीह का अधीन मा च, ठिक उन्‍नि तुम भि हरेक बातों मा अपणा-अपणा पति का अधीन मा रा।