लूका 10:15 - Garhwali

¹⁵ हे कफरनहूम नगर का लोगु तुम क्या सोचद्‍यां, कि तुमतै स्वर्ग तक ऊँचो किये जालु ‘नऽ रे ना’ तुमतै त अधलोक मा डळै जालु।”

गढवली नयो नियम

¹⁵ अर हे कफरनहूम शहर का लुखुं क्य तु स्वर्ग तक ऊंचो करे जैलि? तु त नरक तक मूड़ी जैलि।

लूका 10:15 Referans Kwoze

मत्ती 4:13

अर नासरत नगर तैं छुड़ण का बाद उ कफरनहूम नगर मा रौण लगि गै। अर कफरनहूम नगर झील का छाला पर बस्यूं च, अर जबूलून और नप्‍ताली का गोत्र का लोग ये मुलक मा रौन्दा छा।

2 पतरस 2:4

किलैकि परमेस्वर न पाप करण वळा ऊं स्वर्गदूतों तैं भि नि छोड़ि, बल्किन मा वेन ऊंतैं सजा दिनी। वेन ऊंतैं नरकलोक का सबसे अन्धेरा वळी जगा मा ढोळि दिनी, ताकि न्याय का दिन तक ऊंतैं उख रखै जौ, अर वे दिन पर ऊंतैं दण्ड दिये जौ।

लूका 13:28

अर उख तुम अब्राहम, इसहाक, याकूब अर सब रैबर्यों तैं परमेस्वर का राज मा दिखल्या, पर तुमतै भैर निकळे जालु। अर उख त सिरफ रुंण अर दांतों तैं कड़गिटाण होलु।

मत्ती 11:23

हे कफरनहूम नगर का लोगु, तुम क्या सोचद्‍यां कि तुमतै स्वर्ग तक ऊँचो किये जालु, ‘नऽ रे ना’ तुमतै त अधलोक मा डळै जालु, किलैकि सामर्थ का जु काम तुम लोगु का बीच मा किये गैनी, अगर वु सदोम नगर मा किये जान्दा, त वु नगर आज तक बणयूं रौन्दु।

मत्ती 10:28

अर ऊं लोगु बटि नि डौऽरा जु तुमरि जान त ले सकदिन, मगर तुमरि आत्मा को नास नि कैरी सकदिन। पर मि तुमतै चितै देन्दु कि तुमतै परमेस्वर पर अपणी पूरि सरदा रखण चयेणी, अर वेसे डऽरण भि चयेणु, किलैकि उ तुमरा सरील अर आत्मा दुईयों तैं नरकलोक मा डालि के नास करण की ताकत रखदु।

लूका 16:23

पर जब अधलोक का दुख मा बटि, सेठ मनखि न मथि देखि त वेन दूर अब्राहम का पास लाजर तैं बैठयूं देखि,