लूका 10:14 - Garhwali

¹⁴ पर मि तुमतै बतै देन्दु, कि न्याय का दिन सूर अर सैदा नगर का लोगु की दसा तुम लोगु से जादा खूब होलि।

गढवली नयो नियम

¹⁴ पर न्याय का जांच का दिन तुम्हरी दशा से सूर अर सीदोन शहरों का लुखुं कि दशा सैंण जुगुत हवेलि।

लूका 10:14 Referans Kwoze

रोमियों 2:1

इलै हे इळजाम लगौण वळा लोगु, अब चै तुम जु कुई भि छाँ, तुम लोगु का पास अब कुई जबाब नि रै गै, किलैकि जौं बातों का खातिर तुम दुसरो पर इळजाम लगौन्द्‍यां, वीं बात मा तुम खुद ही दोषी ठैरैये जैल्या। अर सुणा, तुम दुसरो पर इळजाम लगौन्द्‍यां, जब कि तुम खुद भि ऊं ही कामों तैं करद्‍यां।

रोमियों 2:27

अर अगर कुई मनखि सरील को खतना कियां बगैर नियम-कानून को पूरु पालन करदु, त सुणा, वु लोग ही तुम यहूदी लोगु को न्याय करला किलैकि तुम लोगु का पास नियम-कानून की किताब च, अर वामा सब लिख्यूं च। अर अब खतना करौण का बाद भि अगर तुम नियम-कानूनों को पालन नि करद्‍यां, त तुम दोषी ठैरैये जैल्या।

यूहन्ना 3:19

अर दोष लगौण को कारण यू च, कि उज्याळु ईं दुनियां मा ऐ, पर मनखियों न उज्याळा बटि ना बल्किन मा अन्धेरा तैं खूब माणी, किलैकि ऊंका काम बुरा छा।

मत्ती 10:15

अर मि तुमतै सच्‍चि मा बतै देन्दु, कि जन हालत सदोम अर अमोरा की खराब ह्‍वे छै, वे नगर की हालत वेसे भि खतरनाक खराब होलि।”

मत्ती 11:21

यीशु न बोलि, “हे खुराजीन अर बैतसैदा नगर का लोगु तुम पर हाय च, किलैकि जु चमत्कारिक काम तुमरा इख किये गैनी, अगर ऊ काम सूर अर सैदा नगर मा किये जान्दा, त उखा लोगु न कभि टाट ओड़ि के अर छारा मा बैठि के पस्ताप कैरी देण छौ।