लूका 1:47 - Garhwali

⁴⁷ अर मेरु मन मेरा छुटकारा देण वळा परमेस्वर की वजै से बड़ु आनन्दित च।

गढवली नयो नियम

⁴⁷ अर मेरी आत्मा मेरा उद्धारकर्ता परमेश्वर से खुश च।

लूका 1:47 Referans Kwoze

तीतुस 2:10

अर ऊ चोरी नि कैरा, बल्किन मा बिस्वास का लैख बणयां रा। ताकि इन कैरिके ऊंका द्‍वारा हमतै बचौण वळा परमेस्वर की शिक्षा को मान-सम्मान बढ़ो।

यहूदा 1:25

अर हमरा प्रभु यीशु मसीह का द्‍वारा हमतै छुटकारा देण वळा एकमात्र सच्‍चा परमेस्वर जु कि सानदार, ताकतबर, महान अर बड़ा-बड़ा काम करण वळु च। हाँ, वु ही जु की पैलि बटि छौ, अर अब भि च अर औण वळा बगत मा भि रालु, वेकी बडै हमेसा-हमेसा होणी रौ। आमीन।

तीतुस 2:13

अर जब हम वीं धन्य आस का दगड़ा मा, परमेस्वर अर हमतै बचौण वळा यीशु मसीह को बड़ा सम्मान से ईं धरती पर दुबरा वापस औण को इंतजार करद्‍यां, तब ये इंतजार करण का बगत मा भि हमतै यू ही धरमी जीवन जीण चयेणु।

1 तीमुथियुस 1:1

हे मेरा प्यार भै तीमुथियुस, मि पौलुस या चिठ्‍ठी त्वे खुणि लिखणु छौं। अर हमतै बचौण वळा परमेस्वर अर यीशु मसीह न जै पर हमरि अपणी आस रखी च, वेन ही मितैं खास चेला ठैरै के भेजि। तीमुथियुस, तू मेरा सच्‍चा नौना का जन छैई, मि प्रार्थना करदु कि: पिता परमेस्वर अर हमरा प्रभु यीशु मसीह का द्‍वारा त्वे पर वेकी किरपा, शान्ति अर दया होणी रौ।

लूका 2:11

अर वु इन च कि आज राजा दाऊद का नगर मा तुम खुणि छुटकारा देण वळा को जनम होयुं च, अर उई मसीह प्रभु च।

तीतुस 1:3

अर ठिक बगत पर परमेस्वर न अपणु शुभ समाचार परगट कैरी, अर यू शुभ समाचार हमतै बचौण वळा परमेस्वर का द्‍वारा परचार करणु खुणि मि मा सौंपे गै।