अर जबरि तक वींन नौना तैं जनम नि देई, तबरि तक यूसुफ मरियम का दगड़ा मा नि सै। अर जब नौनो को जनम ह्वे, त यूसुफ न वेकू नौ यीशु रखी। अर इनकै यीशु को जनम ह्वे।
अर बच्चा पैदा होण का आठवां दिन मा, जब खतना का रिवाज तैं पूरु करण को दिन ऐ, त वेकू नौ यीशु रखै गै। अर यू उई नौ छौ, जु स्वर्गदूत न मरियम का गरवति होण से पैलि वे बच्चा तैं देई छौ।
अर उ वचन इन च कि, “सुणा, एक कुंवारी नौनि गरवति होलि अर एक नौना तैं जनम द्याली, अर वेको नौ इम्मानुएल रखै जालु,” जैको मतलब च कि “परमेस्वर हमरा दगड़ा मा च।”
पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्वे। अर वेको ईं दुनियां मा औण यहूदी नियम-कानूनों का अधीन मा ह्वे।
पर स्वर्गदूत न वेकू बोलि, “हे जकरयाह, डौऽर ना, किलैकि तेरी प्रार्थना तैं परमेस्वर न सुण्यालि। अर अब तेरी घरवळी इलीशिबा एक नौना तैं जनम द्याली, अर तू वेकू नौ यूहन्ना रखी।