लूका 1:20 - Garhwali

²⁰ अर देख, जै दिन तक यू सब बात पूरि नि ह्‍वे जनदिन, वे दिन तक तू गूंगु ह्‍वे जैली अर कुछ भि नि बोलि सकलि। किलैकि तिन मेरी यों बातों पर बिस्वास नि कैरी, जु की अपणा बगत पर पूरि होलि।”

गढवली नयो नियम

²⁰ अर देख जै दिन तक यु बात पूरी नि हवे जौं, वे दिन तक किलैकि तिल विश्वास नि कैरी इलै तु बोल नि सकली; मेरी बात जु अपड़ा बगत मा पूरी होलि, जब तक नौंनो पैदा नि होलो तब तक तु गूंगो रैलि।

लूका 1:20 Referans Kwoze

दिब्य दरस 3:19

“जौं लोगु से मि प्यार करदु ऊं सभ्यों तैं मि डांटदु अर अनुसासन मा लेके औन्दु, इलै पस्ताप कैरा अर बिस्वास मा गरम ह्‍वे जा।

इब्रानी 6:18

अर करार अर कसम की दुई बातों तैं कभि बदलै नि जै सकदु, किलैकि पिता परमेस्वर कभि भि झूठ्‍ठ नि बुल्दु। इलै हम बिस्वासी लोग जु कि वेकी हिफाजत मा रौणा छां, हम सभ्यों तैं बड़ी हिम्मत रखी के अपणी-अपणी आस वे पर बणै के रखण चयेणी।

लूका 1:22

अर जब जकरयाह भैर ऐ त उ गूंगु ह्‍वे गै छौ, अर एकजुट होयां लोगु का दगड़ा मा बोलि नि सैकी, पर केवल इसारा मा ही ऊंतैं बतै। तब ऊ जाणि गैनी, कि वेन मन्दिर मा कुई दरसन पै।

तीतुस 1:2

अर यू सब मि इलै कनु छौ, ताकि परमेस्वर का लोग ईं आस मा रा, कि ऊंतैं सदनि को जीवन मिली सैको। अर परमेस्वर कभि झूठ्‍ठ नि बुल्दु, दुनियां की शुरुवात से पैलि वेन ही हम खुणि सदनि को जीवन देणो को करार कर्युं च।

2 तीमुथियुस 2:13

अगर जु हम बिस्वास नि करुला, त तभि भि उ हमरा दगड़ा मा बिस्वास का लैख बणयूं रालु। किलैकि उ अपणी बात बटि मुकुरदु नि च, अर ना ही झूठ्‍ठ बुल्दु।

लूका 1:45

अर तू धन्य छैई, किलैकि तिन बिस्वास कैरी कि जु बात प्रभु की तरफा बटि त्वेमा बुले गैनी, ऊंन पूरि होण।”

मरकुस 16:14

अर येका बाद जब यीशु का ग्यारा चेला खाणुक खाणु खुणि बैठयां छा, त वे बगत उ ऊंतैं दिखै। तब यीशु न ऊंका निठुर मन अर बिस्वास की कमी की वजै से ऊंतैं झिड़की, किलैकि ज्यून्द होण का बाद जौं लोगु न वेतैं देखि छौ, ऊंकी बातों पर भि यों न यकीन नि कैरी।

मरकुस 9:19

अर ईं बात तैं सुणी के यीशु न ऊंकू बोलि, “हे बिस्वास नि करण वळा पीढ़ी का लोगु, आखिर मि कब तक तुमरा दगड़ा मा रौलु? अर कब तक तुमरि सौलु? तुम वे नौना तैं इनै लेके आ।”

रोमियों 3:3

अर अगर यहूदी लोगु मा बटि कुई मनखि बिस्वास नि करलु, त क्या पिता परमेस्वर की सच्‍चै बेकार साबित ह्‍वे गै?

लूका 1:19

तब स्वर्गदूत न वेतैं जबाब देई कि, “मि जिब्राईल छौं, अर मि परमेस्वर का समणि खड़ु रौन्दु, अर मितैं त्वे बटि बात करणु कू अर त्वेतै यू शुभ समाचार सुनाणु कू भेज्यूं च।

लूका 1:21

अर लोग जकरयाह को इंतजार कना छा, अर वु ताजुब मा पोड़ि गैनी कि वेतैं मन्दिर मा इथगा देर किलै लगणि च।

लूका 1:64

अर तबरि जकरयाह को गिच्‍चु अर जीब खुलि गै। अर उ बोन्‍न लगि गै, अर परमेस्वर की बडै करण लगि गै।