लूका 1:17 - Garhwali

¹⁷ अर उ परमेस्वर का रैबर्या एलिय्याह की आत्मा अर सामर्थ पैके खुद प्रभु का अगनै आलु। ताकि बाल-बच्‍चों जनै ध्यान देणु खुणि उ बुबों का मनों तैं ऊंकी तरफा कैरी द्‍यो, अर आज्ञा नि मनण वळो तैं धरमी बणणो को ज्ञान द्‍यो, अर प्रभु खुणि एक लैख परजा तयार कैरो।”

गढवली नयो नियम

¹⁷ उ एलिय्याह जन आत्मा अर सामर्थ मा हवे के वेका अगनैं-अगनैं हिटलो कि ब्वे-बुबा का मन तैं नौंना कि तरपां फिरालो अर आज्ञा नि मनण वलो तैं धर्मियों कि समझ पर लौ अर प्रभु कु एक लैखबर योग्य प्रजा तैयार कैर।

लूका 1:17 Referans Kwoze

मत्ती 11:14

अर अगर तुम मेरी मनण चा, त एलिय्याह जु कि औण वळु छौ उ यूहन्‍ना ही च।

लूका 1:76

तब जकरयाह न अपणा नौना खुणि बोलि कि, “हे मेरा नौना, त्वे खुणि सबसे महान परमेस्वर को रैबर्या बुले जालु। किलैकि तू प्रभु का औण से पैलि वे खुणि बाटु तयार करली।

यूहन्ना 3:28

मिन बोलि छौ कि, ‘मि मसीह नि छौं पर वेसे पैलि भेज्यूं ग्यों।’ अर ईं बात मा तुम खुद ही मेरा गवा छाँ।

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।

कुलुसी 1:12

अर पिता परमेस्वर को धन्यवाद कना रा, किलैकि वेन तुमतै उज्याळा का राज मा अपणा पवित्र लोगु का दगड़ा मा रौण अर वारिस होण का लैख बणै।

2 तीमुथियुस 2:21

अगर कुई मनखि खुद तैं बुरै बटि दूर रखी के खुद तैं शुद्ध करलु, त उ वे भाँडा का जन च जैतैं कै खास काम खुणि इस्तेमाल लिये जान्दु। तब वे मनखि को जीवन पवित्र ह्‍वे जालु, अर वेको इस्तेमाल प्रभु का हरेक अच्छा काम खुणि किये जालु।

रोमियों 9:23

अर वेन सबर इलै रखी, ताकि उ अपणी बड़ी दया ऊं लोगु तैं दिखै सैको, जौं तैं उ आदर-सम्मान देण वळु च। अर ऊं लोगु तैं वेन यां खुणि ही तयार कैरिके रख्युं च, कि ऊ वेका बड़ा आदर-सम्मान तैं देखि सैका।

खास चेलों 10:33

इलै मिन तुमतै बुलाणु खुणि अपणा लोगु तैं तुरन्त भेजि, अर या बात अच्छी च कि तुम इख ऐ भि ग्यां। अब जु कुछ भि वचन परमेस्वर न तुमतै दिईं, वु सब कुछ सुनणु खुणि ही हम इख इकट्‍ठा होयां छां, अर परमेस्वर भि हमरा बीच मा च।”

यूहन्ना 1:34

अर मिन यू खुद देखि च अर इन गवै देन्दु छौं, कि यू ही परमेस्वर को पुत्र च।”

यूहन्ना 1:13

अर ऊ नऽ त ल्वे बटि, नऽ त सरील की इच्छा बटि, अर ना ही मनखियों की योजना बटि पैदा ह्‍वेनि, बल्किन मा ऊ त परमेस्वर की औलाद छिन अर ऊं खुणि वेकी इच्छा या ही छै।

लूका 1:16

अर उ इस्राएली लोगु मा बटि जु लोग प्रभु परमेस्वर बटि दूर ह्‍वे गैनी, ऊंतैं परमेस्वर की तरफा लेके आलु।

1 यूहन्ना 2:28

हे मेरा प्यारा बच्‍चों, यीशु मसीह की संगत मा एक ह्‍वेके बणयां रा। अर अगर जु तुम इन करिल्या, त जब यीशु मसीह परगट होलु त तुमतै खुद पर सरम नि आली, बल्किन मा तुमतै बड़ी हिम्मत मिलली।

मत्ती 3:4

अर यूहन्‍ना ऊंट का बाळो से बणयूं कपड़ा पैरदु छौ, अर अपणी कमर पर चमड़ा का पठुगा तैं बान्धि के रखदु छौ। अर खाण मा वेकू खाणुक टिड़ियां अर जंगळि शहद छौ।

मत्ती 3:3

अर यू यूहन्‍ना उई च जैका बारा मा परमेस्वर का रैबर्या यशायाह न बोलि छौ कि, “निर्जन जगा मा एक पुकरण वळे की आवाज औणी च, प्रभु खुणि बाटु तयार कैरा वे खुणि बाटु सैणु कैरा।”