यूहन्ना 9:5 - Garhwali

⁵ अर जब तक मि दुनियां मा छौं, तबरि तक मि दुनियां को उज्याळु छौं।”

गढवली नयो नियम

⁵ जब तक मि दुनिया मा छौं तब तक दुनिया कु उज्यला मि छों।

यूहन्ना 9:5 Referans Kwoze

यूहन्ना 8:12

फिर यीशु न लोगु कू बोलि, “दुनियां को उज्याळु मि छौं। अर जु कुई भि मेरा पिछनै चललु, उ अन्धेरा मा नि रालु, बल्किन मा उ जीवन का उज्याळा तैं पालु।”

यूहन्ना 12:46

अर मि ईं दुनियां मा उज्याळु बणि के अयूं छौं। ताकि जु कुई भि मि पर बिस्वास कैरो, उ अन्धेरा मा नि रौ।

खास चेलों 13:47

किलैकि प्रभु न हमतै इन आज्ञा दिनी जन कि लिख्यूं भि च, “मिन त्वेतै दुसरि जातियों खुणि उज्याळु ठैर्युं च, ताकि तू पूरि धरती का लोगु खुणि बचयै जाण को द्‍वार बणि जा।”

इफिसुस 5:14

इलै ही पवित्रशास्‍त्र मा साफ-साफ लिख्यूं च कि, “हे सियां मनखि उठ, मुरदो मा बटि खड़ु हो, तब मसीह को उज्याळु त्वे पर चमकळु।”

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

दिब्य दरस 21:23

वे नगर तैं उज्याळु देणु खुणि सूरज अर चाँद की जरुरत नि च, किलैकि परमेस्वर को तेज वेतैं उज्याळु देन्दु, अर यीशु वेको द्‍यू च।

मत्ती 4:16

जु लोग अन्धेरा मा अपणा जीवन को गुजर-बसर कना छिन, ऊ एक बड़ा उज्याळा तैं दिखला, अर जु लोग आत्मिक मौत का बाटा मा छिन, ऊं पर एक उज्याळु चमकी।”

खास चेलों 26:23

अर ऊंन इन बोलि छौ कि मसीह तैं दुख झिलण पोड़लु, अर वु ही पैलु होलु जु कि मुरदो मा बटि ज्यून्द ह्‍वेके हमरा लोगु खुणि अर ऊं लोगु खुणि भि उज्याळु को परचार करलु, जु कि हमरि जाति का नि छिन।”

लूका 2:32

अर जु लोग यहूदी नि छिन ऊं लोगु पर तुमरा बारा मा सच्‍चै परगट करणु खुणि यू एक उज्याळु च। अर वेका द्‍वारा तेरा इस्राएली लोगु तैं बड़ु आदर-सम्मान मिललु।”

मत्ती 5:14

अर ठिक उन्‍नि तुम ईं दुनियां का उज्याळा छाँ। अर जु नगर पाड़ पर बस्यूं हो, उ कभि छिपी नि सकदु।