यूहन्ना 7:6 - Garhwali

⁶ तब यीशु न ऊंकू बोलि, “मेरु बगत त अभि तक नि ऐ, पर त्योवार मा जाणु खुणि तुम खुणि हरेक बगत ठिक च।

गढवली नयो नियम

⁶ तब यीशु ल ऊंमा बोलि, मेरू बगत अभि तक नि ए, पर तुम कु कभि बगत ठिक च।

यूहन्ना 7:6 Referans Kwoze

यूहन्ना 7:8

पर तुम ही त्योवार मा जा, मि नि जाणु। किलैकि अभि तक मेरु बगत नि ऐ।”

यूहन्ना 2:4

तब यीशु न वींकू बोलि, “हे माँ, मिकू अभि नि बोला की मिन क्या करण, किलैकि अभि मेरु बगत नि ऐ।”

यूहन्ना 7:30

यू सुणी के ऊ लोग यीशु तैं पकड़णे की कोसिस करण लगि गैनी, पर कुई भि वेतैं पकड़ी नि पै। किलैकि वेको बगत अभि तक नि ऐ छौ।

यूहन्ना 17:1

अर यू सब बोन्‍ना का बाद यीशु न स्वर्ग जनै देखि के प्रार्थना कैरी, “हे पिता, अब वा घड़ी ऐ गै। तुमरो पुत्र कथगा महान च, यू दिखै द्‍या, ताकि पुत्र का द्‍वारा भि यू दिखै जौ, कि तुम कथगा महान छाँ।

यूहन्ना 13:1

अर फसह का त्योवार से पैलि यीशु जाणि गै, कि दुनियां तैं छोड़ि के पिता का पास चलि जाणु को बगत नजदीक ऐ गै। तब वेन जु वेका दगड़ा मा रौन्दा छा, ऊंतैं जन प्यार उ पैलि करदु छौ, उन्‍नि प्यार उ आखिरी का दिन तक कनु रै।

यूहन्ना 8:20

अर यीशु न यों सब बातों तैं अपणा उपदेस मा बोलि अर वे बगत उ वीं जगा मा छौ जख मा दान-पेटि रखी रौनदिन, पर तभि भि कैन यीशु तैं नि पकड़ी, किलैकि वेको बगत अभि तक नि ऐ छौ।

मत्ती 26:18

वेन ऊंकू बोलि, “नगर मा फलणा मनखि का पास जा, अर वेकू बोला, गुरुजी बोन्‍ना छिन, कि ‘मेरु बगत नजदीक ऐ गै। अर मि अपणा चेलों का दगड़ा तेरा घौर मा फसह को त्योवार मणौलु।’”

खास चेलों 1:7

तब वेन ऊंकू बोलि, “वे बगत अर वे समौ का बारा मा जनण तुमरो काम नि च, किलैकि वु सब कुछ पिता न अपणा अधिकार मा रख्युं च।