यूहन्ना 7:23 - Garhwali

²³ अर मूसा को दियूं नियम-कानून नि टळै जौ, इलै तुम सब्त का दिन भि अपणा नौनु को खतना करद्‍यां। जब कि मिन सब्त का दिन मा एक मनखि तैं पूरि तरौं से खूब कैरियाली, त फिर तुम मि पर किलै गुस्सा कना छाँ?

गढवली नयो नियम

²³ जब यहूदियों का विश्राम का दिन जु परमेश्वर कु पवित्र दिन च मनिख्युं को खतना करे जांदु किलैकि मूसा द्वारा लिखीं परमेश्वर की व्यवस्था कि आज्ञा टले नि जौं अर तुम मि पर किलै गुस्सा कना छा कि यहूदियों का विश्राम का दिन जु परमेश्वर कु पवित्र दिन च येल एक मनिख तैं पूरा ढंग से ठिक कैरी।

यूहन्ना 7:23 Referans Kwoze

मत्ती 12:5

अर क्या तुमुन नियम-कानूनों मा इन नि पैड़ी, कि पुरोहित लोग भि सब्त का दिन मन्दिर मा काम करण का बगत पर कई बार सब्त का नियम तोड़ि देन्दिन, मगर फिर भि ऊंतैं निरदोष मणै जान्दु?

मत्ती 12:2

अर यू देखि के फरीसी दल का लोगु न यीशु कू बोलि, “अरे सुण, तेरा चेला वु काम कना छिन, जु कि सब्त का दिन पर करण ठिक नि च।”

मत्ती 12:10

अर उख एक आदिम छौ, जैको एक हाथ सुक्यूं छौ। अर उख कुछ लोगु न यीशु पर दोष लगौणु का खातिर वेसे पूछी, “गुरुजी, सब्त का दिन पर कै मनखि तैं हमरा नियम-कानूनों का मुताबिक खूब करण ठिक च या नि च?”

यूहन्ना 5:10

अर उ दिन सब्त को दिन छौ, अर ये दिन यहूदी लोग कुछ काम नि करदिन। इलै ऊंन वेकू जु खूब ह्‍वे गै छौ बोलि, “आज त सब्त को दिन च, इलै त्वेकू यू ठिक नि च, कि तू अपणा बिस्तर तैं उठौ।”

यूहन्ना 7:21

यीशु न ऊंतैं जबाब देई, “मिन सब्त का दिन मा एक चमत्कारिक काम कैरी, अर वेतैं देखि के तुम सब हकदक रै ग्यां।

यूहन्ना 9:16

ईं बात का बाना कुछ फरीसी बुलण लगि गैनी कि, “यू मनखि परमेस्वर की तरफा बटि नि अयूं, किलैकि यू सब्त का दिन तैं मणदु ही नि च।” पर दुसरा लोगु न बोलि, “कुई पापि मनखि इन चिन्‍न-चमत्कार कनकै कैरी सकदु?” इलै ऊं लोगु का बीच मा फूट पोड़ि गै।