यूहन्ना 7:10 - Garhwali

¹⁰ पर जब यीशु का भै त्योवार मा चलि गैनी, तब उ खुद भि खुलाआम त ना, पर लुकि के उख चलि गै।

गढवली नयो नियम

¹⁰ पर जब यीशु का भैय त्योहार मा चलि गैनी, तब उ अफ भि प्रगट मा नि, पर बगैर कै तैं पता चल्यां गुप्त त्योहार मा चलि गै।

यूहन्ना 7:10 Referans Kwoze

मत्ती 10:16

अर यीशु न खास चेलों कू इन भि बोलि, “सुणा, जन भेड़ खतरनाक भेड़ियों का बीच मा जान्दी, ठिक उन्‍नि मि भि तुमतै बुरा लोगु का बीच मा भेजणु छौं। इलै गुरौ की तरौं चालाक अर कबूतर की तरौं सीदा बणा।

गलातियों 4:4

पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

यूहन्ना 11:54

इलै वे दिन बटि यीशु न यहूदी लोगु का बीच मा खुलाआम घूमण बन्द कैरी दिनी। पर उ उख बटि निकळि के इफ्राइम नौ का एक नगर मा चलि गै, जु कि निर्जन जगा का नजदीक का मुलक मा छौ। अर अपणा चेलों का दगड़ा मा उ उख रौण लगि गै।

यूहन्ना 7:5

यीशु का भै भि वे पर बिस्वास नि करदा छा, इलै ऊंन इन्दरि बात बोलि।

यूहन्ना 7:3

इलै यीशु का भैयों न वेकू बोलि, “तू इख बटि निकळि के यहूदिया का मुलक मा चलि जा। किलैकि जु चमत्कारिक कामों तैं तू करदी, ऊंतैं तेरा पिछनै चलण वळा भि देखि सैका।

मत्ती 3:15

तब यीशु न वेतैं जबाब दिनी, “अबरि जन होणु च तू वेतैं होण दे, किलैकि हम खुणि यू जरुरी च, कि जन परमेस्वर की मनसा च हम वींतैं उन्‍नि पूरु कैरा।” तब यूहन्‍ना न वेकी बात माणी दिनी।

मत्ती 12:46

अर जब यीशु भीड़ का लोगु बटि बात कनु छौ, कि देखा, वेकी माँ अर वेका भै भैर खड़ा होयां छा, अर ऊ यीशु बटि मिलण चाणा छा।

मरकुस 3:21

अर जब यीशु का परिवार का लोगु न यू सुणी, त वु यीशु तैं पकड़णु कू गैनी, किलैकि वु इन बुल्दा छा कि, “वेकू दिमाग ठिकणा पर नि च।”

यूहन्ना 7:9

अर ऊंकू इन बोलि के यीशु गलील का मुलक मा ही रुकी गै।