यूहन्ना 6:2 - Garhwali

² तब भौत बड़ी भीड़ वेका पिछनै चलण लगि गै, किलैकि जै चमत्कारिक रुप बटि उ बिमारों तैं खूब करदु छौ, ऊंन ऊ देखि छा।

गढवली नयो नियम

² अर एक बड़ी भीड़ ऊंका पिछनै हवे गै किलैकि जु चमत्कार यीशु बिमारों पर दिखांदु छों उ ऊं तैं दिखदा छा।

यूहन्ना 6:2 Referans Kwoze

मत्ती 12:15

अर यीशु यू जाणि गै, अर उख बटि चलि गै। अर भौत सा लोग वेका पिछनै चलण लगि गैनी, अर वेन सब बिमार लोगु तैं खूब कैरी,

यूहन्ना 2:11

अर यीशु न गलील का काना गौं मा अपणु पैलु चमत्कार कैरिके अपणी महानता दिखै। अर वेका चेलों न वे पर बिस्वास कैरी।

मरकुस 6:33

अर भौत सा लोगु न ऊंतैं नाव मा जान्द देखि, अर पछ्याण दिनी कि वु कु छिन। तब सब नगरों का लोग पैदल ही पैदल भागी के ऊं से पैलि वीं जगा मा पौंछी गैनी।

मत्ती 14:14

अर जब यीशु छाला पर पौंछी त वेन एक बड़ी भीड़ देखि अर वेतैं ऊं पर बड़ु तरस ऐ, तब वेन ऊं लोगु का बीच मा जु बिमार छा ऊंतैं खूब कैरी।

मत्ती 8:1

अर उपदेस देण का बाद यीशु वे पाड़ बटि मूड़ी उतरि गै, अर बड़ी भीड़ वेका पिछनै चलण लगि गै।

मत्ती 13:2

अर इन ह्‍वे, कि एक बड़ी भीड़ इकट्‍ठा होण लगि गै, इलै उ नाव मा चैड़ि गै, अर भीड़ का सब लोग छाला पर छा।

मरकुस 1:45

पर उख बटि निकळदि ही वे मनखि न ईं बात को परचार करण शुरु कैर दिनी। अर वेन या बात इथगा फैलै दिनी, कि यीशु को नगर मा खुलाआम जाण मुस्किल ह्‍वे गै, इलै यीशु नगर का भैर निर्जन जगों मा रै, मगर फिर भि लोग अलग-अलग जगों बटि वेका पास औणा छा।

यूहन्ना 2:23

अर फसह का त्योवार का बगत पर यीशु यरूशलेम नगर मा छौ, अर वेका द्‍वारा जु चमत्कारिक काम किये जाणा छा, ऊंतैं देखि के भौत सरा लोगु न वे पर बिस्वास कैरी।

यूहन्ना 3:2

उ एक रात यीशु का पास ऐ अर बोलि, “गुरुजी, हम जणदा छां, कि तुम परमेस्वर की तरफा बटि गुरु ह्‍वेके अयां छाँ, किलैकि जौं चमत्कारिक कामों तैं तुम करद्‍यां, यू सिरफ उई कैरी सकदु जैका दगड़ा मा परमेस्वर हो।”

यूहन्ना 6:14

तब यीशु का ये चमत्कार तैं देखि के ऊ लोग बुलण लगि गैनी, “सच्‍चि मा यू त परमेस्वर को उई रैबर्या च, जु कि ईं दुनियां मा औण वळु छौ।”

यूहन्ना 6:22

अर दुसरा दिन भीड़ ज्वा कि झील का वे छाला मा रै गै छै, ऊंन देखि कि इख त एक ही नाव तैं छोड़ अर कुई दुसरि नि छै। अर ऊ जणदा छा, कि यीशु वीं नाव मा अपणा चेलों का दगड़ा नि गै, बल्किन मा वेका चेला ही गैनी।

यूहन्ना 6:26

तब यीशु न ऊंतैं जबाब देई, “मि तुम बटि सच्‍चि ही बोन्‍नु छौं, तुम मितैं इलै नि खुज्याणा छाँ कि तुमुन चमत्कार का काम दिखिनी, पर इलै किलैकि तुमुन रुट्‍टी खै के अपणी भूक मिटै।

यूहन्ना 6:30

तब ऊंन वेकू बोलि, “तुम हमतै कु जि अदभुत चिन्‍न दिखैल्या, कि हम वेतैं देखि के तुम पर बिस्वास कैरा?

यूहन्ना 11:47

तब मुख्य पुरोहितों न अर फरीसी दल का लोगु न मुख्य लोगु की सभा बुलै अर बोन्‍न लगि गैनी कि, “यू आदिम त भौत सरा चमत्कारिक कामों तैं कनु च। पर हम क्या कना छां?

यूहन्ना 12:18

इलै भौत सरा लोग वेतैं मिलणु खुणि ऐनी, किलैकि ऊंन सुणी छौ की यू उई च जैन वु अदभुत काम कैरी।

यूहन्ना 12:37

अर यीशु न ऊं लोगु का समणि भौत सरा चिन्‍न-चमत्कार करिनी, पर फिर भि ऊंन वे पर बिस्वास नि कैरी।

यूहन्ना 20:30

अर यीशु न त और भि भौत सा चमत्कारिक काम अपणा चेलों का समणि करिनी। पर ऊ सब ईं किताब मा नि लिख्यां छिन।