यूहन्ना 5:7 - Garhwali

⁷ तब वे बिमार मनखि न यीशु तैं जबाब देई, “श्रीमान, मेरा दगड़ा मा इन कुई भि मनखि नि च, कि जब पाणि हिल्ये जौ, त मितैं कुण्ड मा उतारि सैको। अर जबरि तक मि उख पौंछदु तबरि तक दुसरो मिसे पैलि उखुन्द उतरि जान्दु।”

गढवली नयो नियम

⁷ वे बिमार मनिख ल यीशु तैं जवाब दे, हे प्रभु मि दगड़ी कुई आदिम नीच, कि जब पांणी हिलये जांद मि कुण्ड मा प्रवेश कने की कोशिश त करदु छो पर कुई अर ही हमेशा पैली ही ऊख प्रवेश कैरी दींद।

यूहन्ना 5:7 Referans Kwoze

1 कुरिन्थि 9:24

हे मेरा भै-बैंणो, तुम त जणदा ही छाँ कि दौड़ मा त सब लोग भगदिन, मगर इनाम त एक आदिम लि जान्दु। इलै तुम भि उन्‍नि भागा ताकि जीत जा।

रोमियों 5:6

अर जब हम पिता परमेस्वर से दूर छा, त वे ही बगत मा यीशु मसीह हम सभ्यों का खातिर मरे गै ताकि हमरु मेल-जोल परमेस्वर का दगड़ा मा ह्‍वे जौ।

यूहन्ना 5:3

अर यां मा बिजांम बिमार मनखि जु की, अन्धा, लूला-लंगड़ा छा, ऊ उख पोड़यां रौन्दा छा। [अर ऊ पाणि हिलण का इंतजार मा रौन्दा छा।

यूहन्ना 5:2

अर यरूशलेम मा भेड़ नौ का गेट का नजदीक पाणि को एक कुण्ड च, जैतैं इब्रानी भाषा मा बैतहसदा बुल्दिन। अर कुण्ड का चौतरफि पांच बरण्डा छिन।

यूहन्ना 5:4

किलैकि परमेस्वर को स्वर्गदूत कभि-कभि ही कुण्ड मा उतरि के वे पाणि तैं हिलांदु छौ। अर पाणि हिलण का बाद जु मनखि उखुन्द पैलि जान्दु छौ, उ कन्दरि भि बिमारि मा किलै ना हो, उ खूब ह्‍वे जान्दु छौ।]

यूहन्ना 5:6

तब यीशु न वेतैं उख पोड़्यूं देखि अर वेतैं पता चलि, कि यू ईं दसा मा इख भौत दिनों बटि पोड़्यूं च। इलै वेन वे बटि पूछी, “क्या तू खूब होण चान्दी?”