यूहन्ना 5:5 - Garhwali

⁵ अर उख एक मनखि छौ, जु कि अड़तीस सालो बटि बिमार पोड़्यूं छौ।

गढवली नयो नियम

⁵ उख एक मनिख छो जु अड़तीस बरसों बट्टी बिमारी मा पुड़यूँ छो।

यूहन्ना 5:5 Referans Kwoze

खास चेलों 3:2

अर ये मन्दिर का गेट पर जैकू सुन्दर गेट बुले जान्दु, लोग जनम का एक लंगड़ा मनखि तैं हर दिन ये गेट का पास बैठे देन्दा छा, ताकि यू भैर-भितर जाण वळा लोगु बटि भीक मांगु, अर इन्‍नि ये दिन भि ह्‍वे।

लूका 8:43

अर उख भीड़ मा एक जनानि छै, जींतैं बारह सालों बटि ल्वे बुगणो को रोग छौ। अर ये इलाज का बाना वींन अपणा जीवन की पूरि कमै बैदों पर खर्च कैरी दिनी, पर कैन भि वींतैं खूब नि कैरी सैकी।

मरकुस 9:21

यीशु न वे नौना का बुबा बटि पूछी, “येकी इन्दरि हालत कब बटि च?” वेन बोलि, “बचपन बटि, गुरुजी।

खास चेलों 14:8

लुस्‍त्रा नगर मा एक मनखि छौ, जु की जनम से लंगड़ु छौ, अर वेका दुई खुटों मा कुई जान नि छै, अर वु कभि अपणा खुटों पर खड़ु भि नि ह्‍वे छौ।

लूका 13:16

त क्या यू काम ठिक नि छौ कि, या नौनि ज्वा कि अब्राहम का वंश मदि च जींतैं शैतान न अठारा साल बटि अपणा कब्जा मा कर्युं छौ, ईं तैं वे बटि आजाद करै जौ।

खास चेलों 9:33

अर इख वेकी मुलाकात ऐनियास नौ का एक मनखि से ह्‍वे, अर यू आठ सालों बटि लकवा रोग की वजै से बिस्तर मा पोड़्यूं छौ।

यूहन्ना 9:1

अर जब यीशु अर वेका चेला जाणा छा, तब वेन एक मनखि तैं देखि, जु कि जनम बटि ही अन्धु छौ।

यूहन्ना 5:14

फिर येका बाद यीशु वे मनखि तैं मन्दिर मा मिली अर वेकू बोलि, “देख, तू खूब ह्‍वे गै। अब येका बाद पाप नि कैरी, कखि इन ना हो कि त्वे पर येसे भि जादा विपदा ऐ जौ।”

खास चेलों 4:22

अर लोग परमेस्वर की बडै इलै करणा छा, किलैकि यू मनखि जु पतरस अर यूहन्‍ना का द्‍वारा चमत्कार कैरिके खूब ह्‍वे छौ, उ चालीस साल से मथि छौ अर पैदा होण का बगत बटि ही लंगड़ा छौ।

यूहन्ना 9:21

पर हम यू नि जणद्‍यां, कि उ कनकै दिखण लगि गै अर यू भि नि जणद्‍यां, कि कैन वेतैं खूब कैरी। पर तुम वेतैं ही पूछील्या, किलैकि अब उ बड़ु ह्‍वे गै अर उ अपणा बारा मा अफि बोलि सकदु च।”

यूहन्ना 5:4

किलैकि परमेस्वर को स्वर्गदूत कभि-कभि ही कुण्ड मा उतरि के वे पाणि तैं हिलांदु छौ। अर पाणि हिलण का बाद जु मनखि उखुन्द पैलि जान्दु छौ, उ कन्दरि भि बिमारि मा किलै ना हो, उ खूब ह्‍वे जान्दु छौ।]

यूहन्ना 5:6

तब यीशु न वेतैं उख पोड़्यूं देखि अर वेतैं पता चलि, कि यू ईं दसा मा इख भौत दिनों बटि पोड़्यूं च। इलै वेन वे बटि पूछी, “क्या तू खूब होण चान्दी?”