यूहन्ना 5:18 - Garhwali

¹⁸ इलै यहूदी वेतैं और भि जादा जान से मरणे की फिराक मा लगि गैनी। किलैकि उ नऽ त केवल सब्त का दिन की विधि तैं तोड़दु छौ, बल्किन परमेस्वर तैं पिता बोलि के अफु तैं वेका बराबर ठैरै देन्दु छौ।

गढवली नयो नियम

¹⁸ किलैकि यीशु ल यु शब्द बोलि इलै यहूदियों का अगुवा ल अर भि जादा वे तैं मरणै की कोशिश कैरी कि उ भस यहूदियों कु विश्राम कु दिन जु परमेश्वर को पवित्र दिन च कि विधि तैं तुड़द, पर परमेश्वर तैं अपड़ो बुबा बोलि के अफ तैं परमेश्वर का तुल्या ठैरांदु च।

यूहन्ना 5:18 Referans Kwoze

यूहन्ना 10:33

तब यहूदियों न वेतैं जबाब देई, “कै भला काम का बाना ना पर तू परमेस्वर की बुरै करदी, अर तू मनखि ह्‍वेके अफ तैं परमेस्वर बतौन्दी, इलै हम त्वे पर ढुंगे मरण चन्द्‍यां।”

यूहन्ना 10:30

मि अर पिता एक ही छां।”

यूहन्ना 19:7

तब यहूदियों न वेतैं जबाब देई, “हमरु भि नियम-कानून च अर वे नियम-कानून का मुताबिक उ मरे जाण लैख च, किलैकि येन अफ तैं परमेस्वर को पुत्र ठैरै।”

यूहन्ना 8:58

अर यीशु न ऊंकू बोलि, “मि तुम बटि सच्‍चि बोन्‍नु छौं, कि जब अब्राहम पैदा भि नि ह्‍वे छौ, वेसे पैलि बटि मि छौं।”

यूहन्ना 14:23

तब यीशु न वेतैं जबाब देई, “अगर कुई मि बटि प्यार करदु, त उ मेरी आज्ञाओं का मुताबिक चललु। अर मेरु पिता भि वे बटि प्यार करलु। अर हम वेका पास औला अर वेका दगड़ा मा रौला।

यूहन्ना 5:23

किलैकि जन लोग पिता को आदर करदिन, ठिक उन्‍नि ऊ पुत्र को भि आदर कैरा। जु पुत्र को आदर नि करदु, उ पिता को भि आदर नि करदु, जैन वेतैं भेजि च।”

फिलिप्पी 2:6

किलैकि परमेस्वर का बराबर होण पर भि वेन वे पद की धौंस नि जमै,

दिब्य दरस 22:3

फिर उख कै पर भि असगार नि लग्यूं होलु, अर ये नगर मा परमेस्वर अर यीशु की राजगद्‍दी होलि, अर परमेस्वर का सेवक वेकी भक्‍ति करला।

दिब्य दरस 22:1

अर वेका बाद वे स्वर्गदूत न मितैं जीवन देण वळी गाड दिखै, ज्वा की साफ काँच की तरौं छै, अर या गाड परमेस्वर अर यीशु की राजगद्‍दी बटि निकळि के बुगणी छै।

यूहन्ना 8:54

तब यीशु न जबाब देई, “अगर मि अपणी बडै अफि कैरुं, त मेरी बडै को कुई मतलब नि च। पर मेरी बडै करण वळु त मेरु पिता च, जैतैं तुम अपणु परमेस्वर मणद्‍यां।

यूहन्ना 7:19

क्या मूसा न तुमतै नियम-कानून नि दिनी? फिर भि तुम मा बटि कुई भि ऊं नियम-कानूनों पर नि चलदु। त फिर तुम मितैं किलै मरण चाणा छाँ?”

यूहन्ना 7:1

येका बाद यीशु गलील का मुलक मा घूमणु रै। अर उ यहूदिया का मुलक मा जाण नि चान्दु छौ, किलैकि यहूदी लोगु का मुखिया वेतैं मरणे की फिराक मा छा।

यूहन्ना 5:16

अर इलै यहूदी लोग यीशु तैं सतौण लगि गैनी, किलैकि उ यों सब कामों तैं सब्त का दिन पर करदु छौ।

यूहन्ना 14:9

तब यीशु न वेकू बोलि, “फिलिप्पुस, मि इथगा दिनों बटि तुमरा दगड़ा मा छौं, क्या फिर भि तिन मितैं अभि तक नि पछ्याणी? अर जैन मितैं देखियाली, वेन पिता तैं भि देखियाली। त फिर तू कनकै बुलणि कि, ‘हमतै पिता का दरसन करै द्‍या?’

मत्ती 12:5

अर क्या तुमुन नियम-कानूनों मा इन नि पैड़ी, कि पुरोहित लोग भि सब्त का दिन मन्दिर मा काम करण का बगत पर कई बार सब्त का नियम तोड़ि देन्दिन, मगर फिर भि ऊंतैं निरदोष मणै जान्दु?

यूहन्ना 1:19

जब यहूदियों का मुख्यों न यरूशलेम नगर बटि पुरोहितों अर लेवियों तैं यूहन्‍ना का पास वे बटि यू पूछणु कू भेजि, “तुम कु छाँ?” तब वेकी गवै या च।

यूहन्ना 5:15

तब वे मनखि न उख बटि जैके यहूदियों तैं बतै दिनी कि, “जैन मितैं खूब कैरी उ यीशु च।”

यूहन्ना 5:17

पर यीशु न ऊंकू बोलि, “मेरु पिता अभि तक काम करदु, इलै मि भि काम करदु छौं।”