यूहन्ना 5:10 - Garhwali

¹⁰ अर उ दिन सब्त को दिन छौ, अर ये दिन यहूदी लोग कुछ काम नि करदिन। इलै ऊंन वेकू जु खूब ह्‍वे गै छौ बोलि, “आज त सब्त को दिन च, इलै त्वेकू यू ठिक नि च, कि तू अपणा बिस्तर तैं उठौ।”

गढवली नयो नियम

¹⁰ इलै यहूदी अधिकारियों ल वे बट्टी जु ठिक हवे छो बुल्ण लगि गैनी “आज त यहूदियों कु विश्राम कु दिन जु परमेश्वर को पवित्र दिन च मूसा की व्यवस्था का अनुसार त्वे तैं खाट उठै कै लिजांण ठिक नि च।”

यूहन्ना 5:10 Referans Kwoze

यूहन्ना 9:16

ईं बात का बाना कुछ फरीसी बुलण लगि गैनी कि, “यू मनखि परमेस्वर की तरफा बटि नि अयूं, किलैकि यू सब्त का दिन तैं मणदु ही नि च।” पर दुसरा लोगु न बोलि, “कुई पापि मनखि इन चिन्‍न-चमत्कार कनकै कैरी सकदु?” इलै ऊं लोगु का बीच मा फूट पोड़ि गै।

लूका 6:2

तब फरीसी दल का कुछ लोग बुलण लगि गैनी, “तुम इन काम किलै कना छाँ, जु सब्त का दिन पर करण ठिक नि च?”

लूका 13:14

अर प्रार्थना भवन का मुखिया न यू देखि कि यीशु न सब्त का दिन पर वींतैं खूब कैरियाली। इलै उ गुस्सा ह्‍वेके लोगु मा बुलण लगि गै कि, “हप्‍ता का छह दिनों मा ही काम करण चयेणु इलै ऊं दिनों मा ही ऐके खूब ह्‍वा, मगर सब्त का दिन पर इन्द्रयो काम नि कैरा।”

मरकुस 3:4

तब यीशु न ऊंकू बोलि, “सब्त का दिन क्या करण ठिक च भलु करण या बुरु करण? पराण तैं बचौण या नास करण?” मगर वु सन्ट रैनी।

मरकुस 2:24

अर यू देखि के फरीसी दल का लोगु न यीशु कू बोलि, “अरे सुण, तेरा चेला वु काम किलै कना छिन, जु कि सब्त का दिन पर करण ठिक नि च?”

यूहन्ना 5:16

अर इलै यहूदी लोग यीशु तैं सतौण लगि गैनी, किलैकि उ यों सब कामों तैं सब्त का दिन पर करदु छौ।

यूहन्ना 7:23

अर मूसा को दियूं नियम-कानून नि टळै जौ, इलै तुम सब्त का दिन भि अपणा नौनु को खतना करद्‍यां। जब कि मिन सब्त का दिन मा एक मनखि तैं पूरि तरौं से खूब कैरियाली, त फिर तुम मि पर किलै गुस्सा कना छाँ?

लूका 23:56

किलैकि ऊंतैं तयारी करण छै, इलै ऊंन वापिस लौटी के खुशबुदार चीजों अर खुशबुदार इतर तैं तयार कैरी। अर मूसा का दियां नियम-कानूनों की आज्ञा का मुताबिक ऊंन सब्त का दिन पर आराम कैरी।

मत्ती 12:10

अर उख एक आदिम छौ, जैको एक हाथ सुक्यूं छौ। अर उख कुछ लोगु न यीशु पर दोष लगौणु का खातिर वेसे पूछी, “गुरुजी, सब्त का दिन पर कै मनखि तैं हमरा नियम-कानूनों का मुताबिक खूब करण ठिक च या नि च?”

यूहन्ना 1:19

जब यहूदियों का मुख्यों न यरूशलेम नगर बटि पुरोहितों अर लेवियों तैं यूहन्‍ना का पास वे बटि यू पूछणु कू भेजि, “तुम कु छाँ?” तब वेकी गवै या च।

यूहन्ना 5:11

पर वे मनखि न ऊंकू बोलि, “जैन मितैं खूब कैरी, वेन ही मिकू बोलि कि ‘अपणा बिस्तर तैं उठौ अर चलण-फिरण लगि जा।’”

यूहन्ना 5:15

तब वे मनखि न उख बटि जैके यहूदियों तैं बतै दिनी कि, “जैन मितैं खूब कैरी उ यीशु च।”