यूहन्ना 4:9 - Garhwali

⁹ तब वीं सामरी जाति की जनानि न यीशु कू बोलि, “तुम त यहूदी छाँ अर मि सामरी जनानि छौं, त तुम मि बटि पाणि कनकै मांगि सकद्‍यां?” (किलैकि यहूदी लोग, सामरियों का दगड़ा मा कै भि तरीके को ब्यौहार नि रखदिन)।

गढवली नयो नियम

⁹ वीं सामरी जाति की जनन ल वेमा बोलि, तु एक यहूदी छै अर मि एक सामरी जनन छों तु मि बट्टी पांणी किलै मंगणी छै? किलैकि यहूदियों अर सामरियों का दगड़ी कुछ भि बरतौ नि रखदा छा।

यूहन्ना 4:9 Referans Kwoze

खास चेलों 10:28

अर वेन ऊंकू बोलि कि, “तुम लोग त जणदा ही छाँ, कि कै भि यहूदी जाति का मनखि तैं दुसरि जाति का लोगु का दगड़ा मा कन्द्रयो भि मेल-जोल रखण या ऊंका इख जाण, हमरा नियम-कानूनों का खिलाप मा च। मगर फिर भि परमेस्वर न मितैं इन दिखै, कि मि कै भि मनखि तैं इन नि समझु, कि वु पवित्र नि च या परमेस्वर कैतैं स्वीकार नि करदु।

यूहन्ना 8:48

तब यों बातों तैं सुणी के यहूदियों न यीशु कू बोलि, “क्या हम ठिक नि बुल्द्‍यां कि तू सामरी छैई, अर त्वे पर खबेस लग्यूं च?”

मत्ती 10:5

अर यीशु न यों बारह चेलों तैं इन आज्ञा देके भेजि कि, “ऊं लोगु का बीच मा नि जयां जु यहूदी जाति का नि छिन, अर ना ही सामरी लोगु का नगर मा जयां।

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

यूहन्ना 4:27

तबरि तक यीशु का चेला ऐ गैनी, अर वेतैं एक जनानि का दगड़ा मा बात करद देखि के ताजुब मा पोड़ि गैनी। पर ऊंमा बटि कैन भि वेतैं पूछी नि कि, “गुरुजी, तुम क्या चाणा छाँ? अर किलै वींका दगड़ा मा बात करणा छाँ?”

लूका 10:33

“अर एक सामरी मनखि भि वे बाटा बटि ऐ, अर जब वेन ये मनखि तैं देखि त वेका मन मा बड़ु तरस ऐ।

खास चेलों 10:32

अर अब इन कैर की कैतैं याफा नगर मा भेज अर उख बटि शमौन तैं बुलवै के लऽ जैकू पतरस भि बुले जान्दु। अर उ चमड़ा का काम करण वळा शमौन का इख मैमान का रुप मा रुक्युं च।’ अर वेको घौर समुन्दर का छाला पर च।