यूहन्ना 4:3 - Garhwali

³ तब उ यहूदिया का मुलक तैं छोड़ि के गलील का मुलक मा चलि गै।

गढवली नयो नियम

³ तब उ यहूदिया प्रान्त तैं छोड़ी के गलील जिला कु अपड़ा चेलों का दगड़ी वापिस चलि गैनी

यूहन्ना 4:3 Referans Kwoze

मत्ती 10:23

अर जब वु लोग तुमतै ये नगर मा सताला तब तुम दुसरा नगर मा भागी जयां। अर मि तुम बटि सच्‍च बोन्‍नु छौं कि तुम इस्राएल देस का सब नगरों मा परचार पूरु भि नि कैरी सकिल्या कि तबरि तक मनखि को पुत्र ऐ जालु।

यूहन्ना 11:54

इलै वे दिन बटि यीशु न यहूदी लोगु का बीच मा खुलाआम घूमण बन्द कैरी दिनी। पर उ उख बटि निकळि के इफ्राइम नौ का एक नगर मा चलि गै, जु कि निर्जन जगा का नजदीक का मुलक मा छौ। अर अपणा चेलों का दगड़ा मा उ उख रौण लगि गै।

यूहन्ना 10:40

अर उ यरदन गाड का पल्या छाला फिर से चलि गै, जख यूहन्‍ना पैलि बपतिस्मा देन्दु छौ, अर उखि रौण लगि गै।

यूहन्ना 3:22

येका बाद यीशु अर वेका चेला यहूदिया का मुलक मा ऐनी। अर उ उख ऊंका दगड़ा मा रै के बपतिस्मा देण लगि गै।

यूहन्ना 2:11

अर यीशु न गलील का काना गौं मा अपणु पैलु चमत्कार कैरिके अपणी महानता दिखै। अर वेका चेलों न वे पर बिस्वास कैरी।

यूहन्ना 1:43

दुसरा दिन यीशु न गलील का मुलक मा जाणु को पक्‍कु इरादा कैरी। तब उ फिलिप्पुस बटि मिली अर वेकू बोलि, “मेरा पिछनै औंऽऽ।”

मरकुस 3:7

अर यीशु अपणा चेलों का दगड़ा झील का छाला पर चलि गै, अर गलील मुलक बटि एक बड़ी भीड़ वेका पिछनै चलण लगि गै।

यूहन्ना 3:32

अर जु कुछ भि वेन देखि अर सुणी च, वेका बारा मा उ गवै देन्दु, पर कुई भि वेकी गवै तैं स्वीकार नि करदु।

लूका 17:11

एक बार इन ह्‍वे कि यीशु सामरिया अर गलील मुलक का ग्‍वोंऽ का बीच मा बटि ह्‍वेके यरूशलेम नगर कू जाणु छौ,

यूहन्ना 4:47

जब वे अधिकारी न या बात सुणी, कि यीशु यहूदिया का मुलक बटि गलील का मुलक मा ऐ गैनी, तब उ वेका पास गै, अर वेसे बिन्ती कैरी कि, “गुरुजी, चलि के मेरा नौना तैं ठिक कैरी द्‍या, किलैकि उ मुरण वळु च।”

यूहन्ना 7:1

येका बाद यीशु गलील का मुलक मा घूमणु रै। अर उ यहूदिया का मुलक मा जाण नि चान्दु छौ, किलैकि यहूदी लोगु का मुखिया वेतैं मरणे की फिराक मा छा।