यूहन्ना 3:6 - Garhwali

⁶ जु मनखि सरील बटि जनम लेन्दु, उ त सरील च, पर जु पवित्र आत्मा बटि जनम लेन्दु, उ आत्मा च।

गढवली नयो नियम

⁶ मनिख भस मनिख जीवन तैं ही दुबरा पैदा किये सकदु च, इलै पवित्र आत्मा स्वर्ग बट्टी नयो जीवन दींदो।

यूहन्ना 3:6 Referans Kwoze

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

1 यूहन्ना 3:9

अर जु मनखि पिता परमेस्वर की औलाद च, उ मनखि लगातार पाप नि कैरी सकदु, किलैकि पिता परमेस्वर को सभौ वेमा रौन्दु। अर उ मनखि पाप कैरी ही नि सकदु, किलैकि उ पिता परमेस्वर बटि जनमियूं च।

1 कुरिन्थि 6:17

अर जब कुई मनखि हमरा प्रभु का दगड़ा मा एक ह्‍वे जान्दु, तब वेकी अर हमरि सांस एक ह्‍वे जान्दी, इनकै हम वेकी आत्मा मा एक ह्‍वे जन्द्‍यां।

रोमियों 7:18

किलैकि मि जणदु छौं, कि मेरा सभौ मा कुछ भि भलु नि च, हाँ मेरा भितर कुछ भि अच्छु नि च, किलैकि मेरा मन मा भलै करण की मनसा च, मगर मि फिर भि वीं भलै तैं अच्छे से नि कैरी सकदु।

रोमियों 8:13

किलैकि अगर जु तुम सरील की इच्छा का मुताबिक अपणा जीवन को गुजर-बसर करद्‍यां, त या बात पक्‍की च कि तुमरि आत्मिक मौत जरुर होण, पर अगर जु तुम पवित्र आत्मा का द्‍वारा सरील की इच्छा को नास करद्‍यां, त तुमतै सदनि को जीवन दिये जालु।

इफिसुस 2:3

अर एक बगत छौ जब हम भि इन्‍नि छा, अर अपणा-अपणा सरील की इच्छाओं का मुताबिक चलदा छा। अर हम लोग उई काम करदा छा, जु की हमरु सरील चान्दु अर सोचदु छौ, अर हम भि ऊं लोगु की तरौं छा, जौं देखि के पिता परमेस्वर गुस्सा छौ।

कुलुसी 2:11

अर तुमरा सरील मा खतना को रिवाज तैं यीशु मसीह का द्‍वारा पूरु किये गै, जु कि हाथोंळ नि ह्‍वे, बल्किन मा पवित्र आत्मा का द्‍वारा ह्‍वे। अर यू इन्द्रयो खतना च जु कि यीशु मसीह का द्‍वारा ही किये जान्दु, अर मनखि का सरील बटि पाप का सभौ तैं भैर निकळे जान्दु।

गलातियों 5:24

अर जौं लोगु न यीशु मसीह पर बिस्वास कैरी ऊंन अपणा सभौ अर अपणा सरील की इच्छाओं तैं यीशु मसीह का दगड़ा मा क्रूस पर चड़ैयालि।

यूहन्ना 1:13

अर ऊ नऽ त ल्वे बटि, नऽ त सरील की इच्छा बटि, अर ना ही मनखियों की योजना बटि पैदा ह्‍वेनि, बल्किन मा ऊ त परमेस्वर की औलाद छिन अर ऊं खुणि वेकी इच्छा या ही छै।

रोमियों 7:5

इलै जब हम ईं दुनियां की रीति-रिवाजों का मुताबिक जीवन जीणा छा त हम पाप पर पाप करदी जाणा छा, अर परमेस्वर का नियम-कानूनों का द्‍वारा ही हमतै पता चलि कि पाप हमरा जीवनों मा काम करदु, अर वेको नतीजा मौत च।

रोमियों 7:25

पर मि हमरा प्रभु यीशु मसीह का द्‍वारा पिता परमेस्वर को धन्यवाद करदु जैन मितैं छुड़ै। अर मि अपणा मन से पिता परमेस्वर का नियम-कानून को पालन करदु, मगर अब मि क्या कैरुं? किलैकि येका दगड़ा-दगड़ि मि पापों का कब्जा मा भि फस्युं छौं।

यूहन्ना 3:7

अर तुम ईं बात पर ताजुब नि कैरा, कि मिन तुमकु इन बोलि कि, ‘तुमतै नई रीति बटि जनम लेण जरुरी च।’