यूहन्ना 3:36 - Garhwali

³⁶ अर जु कुई वे पुत्र पर बिस्वास करदु, वेतैं ही सदनि को जीवन मिलदु। अर जु कुई पुत्र पर बिस्वास नि करदु, वेतैं जीवन नि मिललु, बल्किन मा परमेस्वर को परकोप वे पर पोड़दु।”

गढवली नयो नियम

³⁶ जु परमेश्वर का नौंना पर विश्वास करदो अनन्त जीवन वेको ही च पर जु नौंना कि नि मणदो वे तैं अनन्त जीवन नि मिलालो पर परमेश्वर कु दण्ड वे पर ही रालो।

यूहन्ना 3:36 Referans Kwoze

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

यूहन्ना 1:12

पर जथगा लोगु न वेतैं स्वीकार कैरी, याने कि जथगा वे पर बिस्वास करदिन, वेन ऊंतैं परमेस्वर की औलाद होण को अधिकार दियूं च।

1 थिस्सलुनीकी 5:9

किलैकि परमेस्वर न हमतै इलै नि चुणी कि हम पर दण्ड की आज्ञा हो, बल्किन मा हमतै चुणी के इलै ठैरैयालि कि हम अपणा प्रभु यीशु मसीह का द्‍वारा बचयै जां।

इफिसुस 5:6

अर कुई भि मनखि तुमतै बेकार की बातों मा नि फंसौ, किलैकि यों बातों का खातिर ही परमेस्वर को गुस्सा आज्ञा नि मनण वळा लोगु पर पोड़दु।

रोमियों 5:9

इलै जब हम यीशु मसीह का ल्वे का द्‍वारा पिता परमेस्वर की नजर मा धरमी गिणै ग्यां, त अब उ हमतै परमेस्वर का खतरनाक गुस्सा से जरुर बचालु।

यूहन्ना 8:51

मि तुम बटि सच्‍चि ही बोन्‍नु छौं, कि अगर कुई मेरा वचनों का मुताबिक चलदु, त उ कभि नि मुरलु।”

यूहन्ना 10:28

अर मि ऊंतैं सदनि को जीवन देन्दु छौं। अर फिर ऊ कभि नास नि होलि अर कुई भि ऊंतैं मि मा बटि छिनी नि सकदु।

यूहन्ना 3:3

तब यीशु न वेतैं जबाब देई, “मि तुम से सच्‍चि बोन्‍नु छौं, जबरि तक कुई नई रीति बटि जनम नि ल्यालु, तबरि तक कुई भि परमेस्वर का राज तैं देखि नि सकदु।”

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”

1 थिस्सलुनीकी 1:10

अर वु इन भि बतौन्दिन, कि तुम परमेस्वर का पुत्र को इंतजार बड़ी आस लगै के कना छां, जु की स्वर्ग बटि औण वळु च याने कि यीशु, जैतैं परमेस्वर न मुरदो मा बटि ज्यून्दु कैरी, अर उई न्याय का दिन पर हमतै औण वळा परकोप से बचालु।

गलातियों 3:10

पर जु लोग खुद तैं धरमी साबित करणु खुणि केवल नियम-कानून का ही सरा पर टिक्यां छिन, वु सब लोग असगार का अधीन मा छिन। किलैकि पवित्रशास्‍त्र मा यू साफ-साफ लिख्यूं च कि, “जु कुई नियम-कानूनों की किताब मा लिखीं सब बातों का मुताबिक नि करदु, ऊं लोगु पर पिता परमेस्वर को असगार पोड़लु।”

रोमियों 8:1

इलै अब जु लोग प्रभु यीशु मसीह का दगड़ा मा एक ह्‍वे गैनी, ऊं पर दण्ड की आज्ञा नि च।

लूका 3:6

अर हरेक मनखि परमेस्वर का द्‍वारा दियां छुटकारा तैं दिखलु।’”

इब्रानी 10:29

त फिर सोचा ऊं लोगु कि सजा कथगा खतरनाक होलि जौन परमेस्वर का पुत्र को अपमान कैरी, अर करार का वे ल्वे तैं सुद्‍दी समझि जैका द्‍वारा ऊंतैं पवित्र किये गै छौ। अर ऊंन पवित्र आत्मा से मिलण वळी किरपा को आदर नि कैरी, बल्किन मा बेजती कैरी।

इब्रानी 2:3

त सोचा, अगर जु हम छुटकारा पौण वळा बाटा तैं स्वीकार नि करुला, त हम वेका दण्ड से बचण की उम्मीद कनकै कैरी सकद्‍यां? अर सबसे पैलि पिता परमेस्वर न ही ईं बात का बारा मा बतै, अर जौं लोगु न वेका रैबार तैं सुणी, ऊंन हमतै यू साबित कैरिके दिखै दिनी कि वा बात सच्‍चि छै।

रोमियों 4:15

मगर सच्‍चै त या च कि नियम-कानूनों से लोगु तैं दण्ड मिलदु, किलैकि लोग नियम-कानून को पालन पूरि तरौं से नि कैरी सकदिन। अगर नियम-कानून नि होन्दा, त लोग भि नियम-कानून का खिलाप मा जैके दोषी नि ठैरदा।

लूका 2:30

किलैकि मेरी आंख्यों न तुमरा भेज्यां छुटकारा तैं देखियाली,

मत्ती 25:46

तब अधरमी लोगु तैं सदनि को दण्ड मिललु, मगर धरमी लोग सदनि का जीवन मा जाला।”

मरकुस 16:16

अर जु मनखि बिस्वास करलु, अर बपतिस्मा ल्यालु, वेतैं ही बचयै जालु, पर जु मनखि बिस्वास नि करलु, वु दोषी ठैरैये जालु।

यूहन्ना 4:36

अर लवै करण वळो तैं ध्याड़ि मिलणी च। अर लोगु तैं सदनि को जीवन मिलु, वां खुणि ऊ फसल बटोळ्दीन, ताकि बुतण वळा अर लवै करण वळा दुई मिली के खुशी मणै सैका।

यूहन्ना 6:58

अर या वा रुट्‍टी च, ज्वा स्वर्ग बटि अईं च। अर या वीं रुट्‍टी का जन नि च, जींतैं तुमरा पितरों न खै फिर भि मोरि गैनी, पर जु कुई स्वर्ग बटि अईं ईं रुट्‍टी तैं खालु उ सदनि ज्यून्दु रालु।”

खास चेलों 14:2

मगर जौं यहूदी लोगु न बिस्वास नि कैरी छौ, ऊंन दुसरि जाति का लोगु तैं भड़कै, अर यों का मनों मा बिस्वासी भै-बैंणो का खिलाप मा बुरै भोरी दिनी।

इब्रानी 3:18

अर या बात पिता परमेस्वर न कै बटि कैरी छै? जब वेन कसम खै के बोलि कि, “मेरी आराम की जगा मा तुमुन दाखिल नि होण।” यू त उई लोग छा, जौन वेकी आज्ञा को पालन नि कैरी।

इब्रानी 3:19

अर इनकै हमतै पता चलि जान्दु, कि वु लोगु परमेस्वर की आराम की जगा मा दाखिल नि ह्‍वे सकदिन, किलैकि ऊंन वे पर बिस्वास नि कैरी।