यूहन्ना 3:3 - Garhwali

³ तब यीशु न वेतैं जबाब देई, “मि तुम से सच्‍चि बोन्‍नु छौं, जबरि तक कुई नई रीति बटि जनम नि ल्यालु, तबरि तक कुई भि परमेस्वर का राज तैं देखि नि सकदु।”

गढवली नयो नियम

³ यीशु ल वे तैं जवाब द्ये, कि मि त्वे बट्टी सच-सच बुल्ण छौं जु कुई नया सिरा से नि जन्मो त परमेश्वर का राज्य कु अनुभव नि कैरी सकद।

यूहन्ना 3:3 Referans Kwoze

2 कुरिन्थि 5:17

इलै अगर कुई मनखि यीशु मसीह का दगड़ा मा एक ह्‍वेके रौणु च, त यां को मतलब यू च कि वेका सभौ मा सब कुछ नयू च। अर अब वेको जीवन जीण को तरीका पुरणा सभौ का जन नि च, बल्किन मा अब त सब कुछ नयू ही नयू च।

1 यूहन्ना 3:9

अर जु मनखि पिता परमेस्वर की औलाद च, उ मनखि लगातार पाप नि कैरी सकदु, किलैकि पिता परमेस्वर को सभौ वेमा रौन्दु। अर उ मनखि पाप कैरी ही नि सकदु, किलैकि उ पिता परमेस्वर बटि जनमियूं च।

1 यूहन्ना 5:1

हे मेरा दगड़्यों, जु मनखि इन बिस्वास करदु कि यीशु ही मसीह च, वेको जनम परमेस्वर की तरफा बटि ह्‍वे, अर जु मनखि जीवन देण वळा तैं प्यार करदु, त उ वेका पुत्र से भि प्यार करदु।

तीतुस 3:5

तब वेन हमरा अच्छा कामों का खातिर ना, पर अपणी दया कैरिके हमतै बचै दिनी अर पवित्र आत्मा का द्‍वारा हमरा सब पापों तैं ध्वेके हमतै नयू जनम देई अर हमतै नयू जीवन मिली।

यूहन्ना 1:13

अर ऊ नऽ त ल्वे बटि, नऽ त सरील की इच्छा बटि, अर ना ही मनखियों की योजना बटि पैदा ह्‍वेनि, बल्किन मा ऊ त परमेस्वर की औलाद छिन अर ऊं खुणि वेकी इच्छा या ही छै।

1 यूहन्ना 2:29

किलैकि हम सभ्या का सभि जणदा छां, कि यीशु मसीह उई करदु जु पिता परमेस्वर की नजर मा सही च। अर हम यू भि जणद्‍यां, कि जथगा भि लोग वेकी नजर मा धरमी छिन ऊ सब पिता परमेस्वर की औलाद छिन।

1 पतरस 1:3

हमरा प्रभु यीशु मसीह का पिता परमेस्वर की तारीफ हो, जैन यीशु मसीह तैं मुरदो मा बटि ज्यून्दु कैरी, अर अपणी महान दया कैरिके वेन हमतै नयू जनम दिनी। अर अब हम मा एक ज्यून्द आस च,

गलातियों 6:15

अर खतना करण का रिवाज तैं पूरु करण या नि करण येसे कुई फैदा नि च, पर अब जु कुछ भि च उ सब यीशु मसीह मा नयू जीवन ही च।

1 यूहन्ना 5:18

अर हम इन जणदा छां कि जै मनखि को जनम पिता परमेस्वर की तरफा बटि होयुं च, उ लगातार पाप नि कैरी सकदु। किलैकि परमेस्वर को पुत्र वेकी हिफाजत करदु। अर शैतान वेको कुछ भि नि कैरी सकदु।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।

यूहन्ना 12:40

“वेन ऊंका आंख्यों तैं अन्धु अर मन तैं निठुर कैरियाली, ताकि वु आंख्यों बटि ना देखा अर ना ही मन बटि समझा। अगर ऊंन देखियाली अर समझियालि अर अपणा मन से पस्ताप कैरियाली, त कखि इन ना हो कि मि ऊंतैं खूब कैरी द्‍यूं।”

इफिसुस 2:1

अर जब तुम भि अपणा-अपणा अपराधों अर पापों की वजै से मुरयां लोगु का जन छा, त पिता परमेस्वर न तुमतै ज्यून्दु कैरी अर इथगा ही ना,

यूहन्ना 1:5

अर यू उज्याळु अन्धेरा मा चमकदु च, पर अन्धेर न वेतैं स्वीकार नि कैरी।

याकूब 3:17

पर जु ज्ञान परमेस्वर की तरफा बटि औन्दु, उ सबसे पैलि त पवित्र च। फिर उ ज्ञान मिलणसार, शान्त सभौ को, दुसरो तैं समझण वळु, दया अर अच्छा गुणों से भरपूर च। अर वेमा भेदभाव अर कपट नि होन्दु।

यूहन्ना 1:51

अर यीशु न वेकू यू भि बोलि, “मि तुम लोगु बटि सच्‍चि ही बोन्‍नु छौं, कि तुम स्वर्ग तैं खुल्यूं अर परमेस्वर का स्वर्गदूतों तैं उब जान्द अर जख मनखि को पुत्र, याने मि छौं, उख उतरद दिखल्या।”

मत्ती 16:17

तब यीशु न वेतैं जबाब देई, “हे योना का नौना शमौन, तू धन्य छैई, किलैकि त्वे पर या बात कै मनखि न ना, बल्किन मा स्वर्ग मा रौण वळा मेरा पिता परमेस्वर न परगट कैरी।

मत्ती 5:18

अर मि तुम बटि सच्‍चि बोन्‍नु छौं कि जब तक या धरती अर आसमान च, तब तक परमेस्वर का नियम-कानूनों न खतम नि होण, अर वेमा लिखीं हरेक छुटी से छुटी बात भि पक्‍की तरौं से पूरि होलि।

दिब्य दरस 3:14

यीशु न मिकू इन भि बोलि कि, “लौदीकिया नगर मा रौण वळा बिस्वासी समुदाय का दूत खुणि इन लिख कि: “यीशु जु कि आमीन अर वफादार अर सच्‍चु गवा च, अर जैका द्‍वारा पिता परमेस्वर न सब कुछ बणै उ इन बुल्दु कि:

मत्ती 19:24

मि तुम बटि फिर से बोन्‍नु छौं, कि एक ऊंट को स्यूण का छेद बटि निकळण सरल च, मगर सेठ मनखि को परमेस्वर का राज मा दाखिल होण बड़ु कठिन च।”

मत्ती 21:31

यों दुईयों मा बटि कैन अपणा बुबा की इच्छा तैं पूरि कैरी?” ऊं लोगु न बोलि, “गुरुजी, बड़ा नौन न।” यीशु न ऊंकू बोलि, “मि तुम बटि सच्‍च बोन्‍नु छौं, कि चुंगी लेण वळा लोग अर वेश्याओं का जन दुसरा पापि लोग तुम से पैलि परमेस्वर का राज मा जाणा छिन।

मरकुस 9:47

अर अगर जु तेरी आंख त्वेसे पाप करौणी च त तू वींतैं निकाळि दे, किलैकि त्वे खुणि यू जादा खूब च कि तू कांणु ह्‍वेके परमेस्वर का राज मा जा। अर अगर जु तू अपणा दुई आंख्यों समेत नरकलोक मा डळै जाणि छैई, त फिर त्वेतै क्या फैदा ह्‍वे।

मरकुस 10:14

अर यू देखि के यीशु नाराज ह्‍वे अर वेन अपणा चेलों कू बोलि, “बच्‍चों तैं मि मू औण द्‍या, ऊंतैं रोका ना, किलैकि परमेस्वर को राज ऊंको ही च जौं को जीवन यों बच्‍चों की तरौं च।

यूहन्ना 3:4

तब नीकोदिमुस न वेकू बोलि, “मनखि जब बुढ्या ह्‍वे जान्दु, त उ फिर कनकै जनम ले सकदु? क्या उ दुबरा अपणी माँ की कोख मा वापिस जैके दुसरि दौं जनम ले सकदु च?”

1 यूहन्ना 5:4

किलैकि जथगा लोगु को जनम परमेस्वर की तरफा बटि ह्‍वे, ऊ ईं दुनियां पर जीत हासिल कैरी देन्दिन। अर दुनियां पर ईं जीत तैं हम अपणा बिस्वास का द्‍वारा हासिल करद्‍यां।