यूहन्ना 3:26 - Garhwali

²⁶ अर ऊंन यूहन्‍ना का पास ऐके वेकू बोलि, “गुरुजी, जु मनखि यरदन गाड का वे छाला तुमरा दगड़ि छौ, अर जैका बारा मा तुमुन गवै दे छै, उ बपतिस्मा देणु च, अर सब मनखि वेका पास जनदिन।”

गढवली नयो नियम

²⁶ अर यूहन्ना का चेला यूहन्ना का संमणी ऐ के वेमा बुल्ण लगी गैनी, “हे गुरु जु मनिख यरदन गाड का पूर्व दिशा मा त्वे दगड़ी छो अर जै की तिल गव्है दे छै, देख, उ बपतिस्मा दींणु च अर सब लोग संमणी औंदा छिन।”

यूहन्ना 3:26 Referans Kwoze

यूहन्ना 1:7

उ गवै देणु खुणि ऐ, ताकि उ उज्याळा का बारा मा गवै दे सैको अर वेका द्‍वारा सभि मनखि बिस्वास करण लगि जां।

यूहन्ना 12:19

तब फरीसी दल का लोग आपस मा बुलण लगि गैनी, “हम लोगु बटि कुछ भि नि ह्‍वे सकणु च, देखा, सरी दुनियां का लोग वेका पिछनै चलण लगि गैनी।”

यूहन्ना 11:48

अगर जु हम वेतैं इन्‍नि छोड़ि द्‍यूला, त सभ्यों न वे पर बिस्वास करण लगि जाण। अर रोमी लोगु न ऐके हमरा मन्दिर अर हमरि परजा दुईयों तैं नास कैरी देण।”

यूहन्ना 1:15

तब यूहन्‍ना बपतिस्मा देण वळन वेका बारा मा गवै दे, अर चिल्‍लै-चिल्‍लै के इन बोलि कि, “यू मनखि उई च, जैका बारा मा मिन बोलि छौ, उ जु मेरा बाद औण वळु च, उ मिसे भि महान च किलैकि उ मिसे भि पैलि बटि छौ।

यूहन्ना 3:2

उ एक रात यीशु का पास ऐ अर बोलि, “गुरुजी, हम जणदा छां, कि तुम परमेस्वर की तरफा बटि गुरु ह्‍वेके अयां छाँ, किलैकि जौं चमत्कारिक कामों तैं तुम करद्‍यां, यू सिरफ उई कैरी सकदु जैका दगड़ा मा परमेस्वर हो।”

यूहन्ना 1:9

अर सच्‍चु उज्याळु जु हरेक मनखि तैं उज्याळु देन्दु, उ दुनियां मा औण वळु छौ।

मत्ती 23:7

अर ऊ चनदिन कि लोग ऊंतैं बजारों मा नमस्कार कैरा, अर गुरु बोलि के ऊंतैं आदर-सम्मान द्‍या।

मत्ती 23:8

मगर तुम दुसरा लोगु बटि खुद तैं गुरु नि बुलवयां, किलैकि तुमरो एक ही गुरु च, अर तुम सब आपस मा भै छाँ।

यूहन्ना 4:1

फिर फरीसी दल का लोगु न सुणी, कि यीशु यूहन्‍ना से भि जादा चेला बणादु, अर ऊंतैं बपतिस्मा देन्दु च। अर या बात यीशु तैं पता चलि गै।

यूहन्ना 4:2

(जब कि यीशु खुद त बपतिस्मा नि देणु छौ, बल्किन वेका चेला देन्दा छा)।

यूहन्ना 4:31

अर इथगा मा चेलों न यीशु बटि बिन्ती कैरी, “गुरुजी, कुछ खै ल्यावा।”

यूहन्ना 5:33

अर तुमुन मेरा बारा मा पूछणु कू अपणा लोगु तैं यूहन्‍ना बपतिस्मा देण वळा मा भेजि, अर वेन सच्‍चै की गवै देई।