यूहन्ना 3:12 - Garhwali

¹² अर जब मिन तुमतै ईं दुनियां की बात बतैनि त तुम बिस्वास नि कैरी, अगर मि तुमतै स्वर्ग की बात बतौलु त फिर कनकै बिस्वास करिल्या।

गढवली नयो नियम

¹² जब मिल तुम बट्टी धरती पर हूंण वली बातों तैं बोलि, अर तुम विश्वास नि कैरी त मि तुम बट्टी स्वर्ग की बातों तैं बोलु की स्वर्ग मा कि होलो त फिर कनके विश्वास करिल्या?

यूहन्ना 3:12 Referans Kwoze

इब्रानी 5:11

हे मेरा भै-बैंणो, यों सब बातों का बारा मा तुमतै बतौणु खुणि हमरा पास भौत सि बात छिन, मगर अभि तुम ऊं बातों तैं समझि नि सकद्‍यां किलैकि तुम बातों तैं सिखण मा अळकस करद्‍यां।

यूहन्ना 3:8

किलैकि हवा जनै चान्दी उनै जान्दी अर तुम बस वीं की आवाज सुणद्‍यां, पर नि जणद्‍यां कि वा कनै बटि औणी अर कख कू जाणि च। ठिक उन्‍नि हरेक मनखि जु पवित्र आत्मा बटि जनम ल्युन्दु उ भि इन्द्रयो ही च।”

यूहन्ना 3:5

अर यीशु न बोलि, “मि तुम से सच्‍चि बोन्‍नु छौं, कि जबरि तक कुई मनखि पाणि अर पवित्र आत्मा से जनम नि ल्यालु, तबरि तक उ परमेस्वर का राज मा दाखिल नि ह्‍वे सकदु।

1 यूहन्ना 4:10

अर हमुन पिता परमेस्वर से प्यार नि कैरी, पर सच्‍चु प्यार त इन च कि वेन हम से प्यार कैरी। अर हमरा पापों बटि माफी देणु खुणि अपणा पुत्र तैं भेजि।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

यूहन्ना 3:3

तब यीशु न वेतैं जबाब देई, “मि तुम से सच्‍चि बोन्‍नु छौं, जबरि तक कुई नई रीति बटि जनम नि ल्यालु, तबरि तक कुई भि परमेस्वर का राज तैं देखि नि सकदु।”

यूहन्ना 3:11

अर मि तुम सच्‍चि ही बोन्‍नु छौं, कि हम जु जणदा छां, उई बुल्द्‍यां, अर जु हमुन देखि च, वेकी गवै देन्दा छां, पर तुम हमरि गवै तैं स्वीकार नि करद्‍यां।