यूहन्ना 21:7 - Garhwali

⁷ अर जै चेला बटि यीशु जादा प्यार करदु छौ, वेन पतरस कू बोलि, “अरे, यू त प्रभु छिन,” अर जन्‍नि शमौन पतरस न या बात सुणी कि, “यू त प्रभु छिन,” उन्‍नि वेन यीशु तैं मिलणु कू अपणा कपड़ा पैरिनी (किलैकि वेका पूरा कपड़ा नि पैरयां छा), अर झील मा फाल मारी दिनी।

गढवली नयो नियम

⁷ इलै वे चेला ल जै बट्टी यीशु प्रेम रखदु छो पतरस बट्टी बोलि, “यु त प्रभु च।” जब शमौन पतरस ल यु सूंणि कि उ प्रभु च, त वेल अपड़ा उ कपड़ा पैनी जु वेका काम कना बगत उतार दींनि। अर पांणी मा कूदी गै।

यूहन्ना 21:7 Referans Kwoze

यूहन्ना 13:23

अर चेलों मा बटि यीशु जैतैं भौत जादा प्यार करदु छौ, उ यीशु की काखे तरफा झुकि के बैठयूं छौ।

यूहन्ना 20:2

इलै वा भागी के शमौन पतरस अर यीशु का दुसरा चेला जै बटि यीशु जादा प्यार करदु छौ, ऊंका पास गै अर ऊंकू बोलि, “ऊ लोग प्रभु तैं कबर बटि निकाळि के लि गैनी। अर हमतै यू मालूम नि च, कि ऊंन वेतैं कख रखी।”

यूहन्ना 19:26

जब यीशु न अपणी माँ अर अपणा प्रिय चेला तैं उख खड़ु होयुं देखि, तब वेन अपणी माँ खुणि बोलि, “माँ, देख आज बटि यू तेरु नौनु च।”

2 कुरिन्थि 5:14

हे मेरा दगड़्यों, यीशु मसीह को प्यार हमतै मजबूर करदु, ताकि हम सब भलै का काम कैरा। अर हम जणदा ही छां कि एक यीशु मसीह ही च जु कि सब लोगु का खातिर मरे गै, अर मौत की ज्वा सजा हमतै मिलण वळी छै वा वेन खुद सै दिनी। अर अब हमरु यू फरज बणदु कि हम सभ्या का सभि अपणा-अपणा फैदा खुणि जीवन नि ज्या, बल्किन मा हमतै यीशु मसीह का मुताबिक अपणु-अपणु जीवन जीण चयेणु, जैतैं पिता परमेस्वर न मुरदो मा बटि ज्यून्द कैरी।

यूहन्ना 21:24

अर यू उई चेला च, जु की यों बातों की गवै देन्दु, अर जैन यू सब बात भि लिखिनी। अर हम जणदा छां, कि वेकी गवै सच्‍चि च।

यूहन्ना 21:20

तब पतरस न पिछनै मुड़ि के वे चेला तैं औन्द देखि, जैतैं यीशु जादा प्यार करदु छौ, अर जैन खाणु खाणा दौं यीशु की काखे तरफा झुकि के वेतैं पूछी छौ, “प्रभु तुमतै धोखा से पकड़ौण वळु कु च?”

खास चेलों 10:36

अर यीशु मसीह जु की सभ्यों को प्रभु च वेका द्‍वारा शान्ति को शुभ समाचार सुणौन्द दौं परमेस्वर न इस्राएली लोगु का पास जै वचन तैं भेजि वेतैं त तुम जणदा ही छाँ।

खास चेलों 2:36

“इलै हे इस्राएल का सब लोगु, तुम हर हाल मा ईं बात तैं जाणि ल्या, कि जै यीशु तैं तुमुन क्रूस पर चड़ै, परमेस्वर न वेतैं ही प्रभु अर मसीह ठैरै।”

लूका 7:47

इलै मि त्वे बटि बोन्‍नु छौं, कि ईं जनानि न जु भौत सरा पाप कर्यां छा, उ सब पाप माफ ह्‍वे गैनी। किलैकि ईं न मि बटि भौत प्यार कैरी, पर जैको कम माफ किये गै, उ प्यार भि कम करदु।”

लूका 2:11

अर वु इन च कि आज राजा दाऊद का नगर मा तुम खुणि छुटकारा देण वळा को जनम होयुं च, अर उई मसीह प्रभु च।

मरकुस 11:3

अर अगर कुई तुम बटि पूछलु, किलै खुलणा छाँ रे येतैं? त इन बुलयां कि, ‘प्रभु, तैं येकी जरुरत च, अर उ तुरन्त गधी का ये बच्‍चा तैं वापिस कैरी द्‍यालु।’”

याकूब 2:1

हे मेरा भै-बैंणो, तुम महान प्रभु यीशु मसीह पर बिस्वास करद्‍यां, इलै तुम एक-दुसरा का दगड़ा मा भेदभाव नि कैरा।

1 कुरिन्थि 15:47

अर पैलु मनखि आदम धरती को च जैतैं माटाळ बणयै गै, अर दुसरो मनखि यीशु मसीह च जु कि स्वर्ग बटि ऐ।

यूहन्ना 20:28

तब थोमा न वेकू बोलि, “मेरा प्रभु, मेरा परमेस्वर।”

यूहन्ना 20:20

अर इन बोन्‍न का बाद वेन ऊंतैं अपणा हाथ अर पंणकोखि दिखै। तब चेला प्रभु तैं पछ्याणी के भौत खुश ह्‍वे गैनी।

लूका 12:35

तब यीशु न ऊंकू इन भि बोलि, “तुम ऊं नौकरों का जन बणा, जु अपणा मालिक को इंतजार करदिन, ताकि जब उ मालिक ब्यौ बटि वापिस अऽ, अर द्‍वार तैं खटखटऽ, त वु नौकर वे खुणि द्‍वार तैं तुरन्त खोली द्‍यो। इलै तुम भि सेवा करणु खुणि तयार रा, अर तुमरा द्‍यू जगणा रा।

यूहन्ना 21:8

पर वेका दगड़ा मा जु दुसरा चेला छा, ऊ वीं नाव मा बैठि के अर माछों का भोर्यां वे जाल तैं उन्‍नि के खैंचदी-खैंचदी छाला मा लेके ऐनी। किलैकि उ छाला बटि जादा दूर नि छा, पर लगभग सौ मीटर की दूरी पर छा।