यूहन्ना 21:23 - Garhwali

²³ इलै बिस्वासी लोगु मा या बात फैली गै, कि यू चेला कभि नि मुरलु, पर यीशु न वे खुणि इन नि बोलि छौ कि, “वेन कभि नि मुरण” बल्किन इन बोलि छौ कि, “अगर जु मेरी इच्छा होलि, कि उ मेरा औण तक ठैर्युं रौ, त त्वेतै ईं बात से क्या मतलब?”

गढवली नयो नियम

²³ इलै विश्वासी भयों मा या बात फैली गै कि की उ दुसरा चेला नि मुरलि; तभि यीशु ल वेमा इन नि बोलि, कि यु नि मुरलि, पर यु कि “जु मि चौं कि उ मेरा आंण तक ठैरयूं रौ, त त्वे यां बट्टी क्य”

यूहन्ना 21:23 Referans Kwoze

खास चेलों 1:15

अर कुछ दिनों का बाद इन ह्‍वे कि, पतरस लगभग एक सौ बीस बिस्वासी लोगु का बीच मा खड़ु ह्‍वेके बोन्‍न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्‍वे गै छौ। मगर पवित्र आत्मा न येका बारा मा पैलि ही राजा दाऊद का द्‍वारा भविष्यबाणी करवै छै, अर यू जरुरी छौ कि पवित्रशास्‍त्र की या बात पूरि हो।

मत्ती 16:27

किलैकि मनखि को पुत्र अपणा स्वर्गदूतों का दगड़ा अर अपणा पिता की सामर्थ मा वापस औण वळु च, अर वे बगत ‘उ हरेक मनखि तैं वेका कामों का मुताबिक बदला मा ऊंतैं द्‍यालु।’

खास चेलों 6:3

इलै हे मेरा भै-बैंणो, अपणा बीच मा बटि सात खास लोगु तैं चुणा जौं तैं लोग अच्छु मणदा हो, बल्किन मा वु पवित्र आत्मा अर अकल मा भि भरपूर हो, ताकि हम ऊंतैं ये काम की जिमेदारी द्‍या।

खास चेलों 28:14

अर उख हमतै बिस्वासी भै-बैंणा मिलिनी, अर ऊंन हम बटि बिन्ती कैरी कि सात दिनों तक इखि रा, अर हम उखि रयां। अर येका बाद हम रोम नगर कू चलि ग्यां।

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

1 कुरिन्थि 11:26

अर जब कभि भि तुम ईं रुट्‍टी तैं खन्द्‍यां या ये कटोरा मा बटि पिन्द्‍यां, अर जब तक प्रभु ऐ नि जौ, तब तक तुम वेकी मौत का बारा मा परचार कना रयां।

याकूब 5:7

इलै हे मेरा भै-बैंणो, प्रभु का फिर से औण वळा दिन तक सबर रखा। अर सुणा, जन किसान पुंगड़ों मा होण वळी कीमती फसल को पैदा होणु खुणि इंतजार करदु। अर अपणु सबर पैलि अर आखिरी बरखा का होण तक बणै के रखदु,

दिब्य दरस 2:25

बस इथगा ही बोन्‍न चान्दु कि मेरा वापस औण तक जु कुछ तुमरा पास च तुम लोग अपणा-अपणा बिस्वास मा मजबूत बणयां रा।