यूहन्ना 2:16 - Garhwali

¹⁶ अर कबूतर बिकौण वळो बटि बोलि, “यू सब इख बटि लि जा। तुम मेरा पिता का घौर तैं व्यापार को घौर नि बणावा।”

गढवली नयो नियम

¹⁶ अर कबूतर बिचण वलो मा बोलि, “यूं तैं इख बट्टी लिजा। मेरा बुबा का घौर तैं (यरूशलेम शहर का मन्दिर) तुम व्यापार कु घौर नि बणावा।”

यूहन्ना 2:16 Referans Kwoze

मत्ती 21:13

तब वेन बोलि, “इन लिख्यूं च कि, “‘मेरु घौर प्रार्थना को घौर होलु,’ पर तुमुन येतैं डकैतों को उड़्यार बणैयालि।”

मरकुस 11:17

अर वेन उपदेस देके ऊंकू बोलि, “क्या पवित्रशास्‍त्र मा इन नि लिख्यूं कि परमेस्वर बुल्दु कि, “‘सब जाति का लोगु खुणि मेरु घौर प्रार्थना को घौर बुले जालु?’ पर तुमुन येतैं डकैतों को उड़्यार बणैयालि।”

लूका 2:49

तब यीशु न ऊंकू बोलि, “तुम मितैं किलै खुज्याणा छाँ? क्या तुम नि जणद्‍यां कि मितैं अपणा पिता का घौर मा रौण जरुरी च?”

2 पतरस 2:3

अर अपणा लालच का खातिर वु झूठ्‍ठा लोग अपणी झूठ्‍ठी बातों का द्‍वारा तुम बटि पैसा कमौला। मगर परमेस्वर न ऊंतैं भौत पैलि ही दोषी ठैरैयालि, अर अब ऊंको नास होण मा देर नि होलि।

यूहन्ना 5:17

पर यीशु न ऊंकू बोलि, “मेरु पिता अभि तक काम करदु, इलै मि भि काम करदु छौं।”

1 तीमुथियुस 6:5

अर इन्द्रया लोगु को दिमाग खराब ह्‍वे गै, अर सच्‍च क्या च यू ऊंतैं पता नि ही च। अर वु लोग समझदिन कि परमेस्वर की भक्‍ति करण कमै को एक साधन च। इन्द्रया लोगु मा हमेसा लड़ै-झगड़ा होनदिन।

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

यूहन्ना 10:29

अर मेरु पिता जैन ऊंतैं मि मा सौप्युं च, उई सबसे महान च। अर कुई भि ऊंतैं पिता बटि छिनी नि सकदु।

यूहन्ना 8:49

पर यीशु न जबाब देई, “मि पर खबेस नि लग्यूं। अर मि त अपणा पिता को आदर-सम्मान करदु छौं, पर तुम त मितैं कुछ भि नि समझद्‍यां।

मत्ती 21:12

अर यीशु यरूशलेम मन्दिर मा जैके ऊं सभ्यों तैं भैर निकळण लगि गै, जु कि मन्दिर मा चीजों तैं बिकौण अर खरीदण वळा छा। अर पैसौं को अदलण-बदलण करण वळो की मेजों तैं उल्ट-पुल्ट कैर दिनी, अर कबूतर बिकौण वळो की चौकलों तैं फरके दिनी।

मत्ती 22:5

पर न्यूत्यां लोगु न ईं बात पर कुई ध्यान नि देई, अर वु अपणा-अपणा कामों पर चलि गैनी, कुई अपणा पुंगड़ा मा, अर कुई अपणा व्यापार खुणि चलि गै।

यूहन्ना 2:15

तब वेन ज्यूडों को एक कोड़ा बणै के सभि भेड़ों अर बल्दों तैं मन्दिर बटि भैर निकाळि दिनी, अर पैसौं को अदलण-बदलण करण वळो का पैसा छिलारी दिनी, अर ऊंकी मेजों तैं उल्ट-पुल्ट कैरी दिनी।