यूहन्ना 18:11 - Garhwali

¹¹ तब यीशु न पतरस कू बोलि, “अपणी तलवार तैं म्यान मा रखी दे। किलैकि जु कटोरा पिता न मितैं दियूं च, क्या मि वेतैं नि प्यों?”

गढवली नयो नियम

¹¹ तब यीशु ल पतरस कु बोलि, “अपड़ी तलवार तैं दूर कैर। काठी मा रख। जु कटोरा बुबा ल मि तैं दे क्य मि वे तैं नि प्यों”

यूहन्ना 18:11 Referans Kwoze

मत्ती 26:39

तब यीशु कुछ दूर गै अर भ्वीं मा पोड़ि के प्रार्थना कैरिके बोलि, “मेरा पिता, अगर जु तुमरि मरजी हो, त दुख का ये बगत तैं मेरा समणि बटि हटै द्‍या, पर फिर भि मेरी इच्छा ना, बल्किन मा तुमरि मनसा पूरि हो।”

मत्ती 20:22

ईं बात तैं सुणी के यीशु न बोलि, “तुम नि जणद्‍यां कि तुम मंगणा क्या छाँ। क्या तुम वे दुख तैं झेली सकद्‍यां, जु मि झिलण वळु छौं?” तब ऊं दुईयों न वेकू बोलि, “हाँ गुरुजी, हम झेली सकद्‍यां।”

यूहन्ना 20:17

तब यीशु न वींकू बोलि, “मितैं पकड़ी के ही नि रख। किलैकि मि अभि तक मेरा पिता का पास मथि नि ग्यों। पर तू मेरा भैयों का पास जा अर ऊंतैं बतै दे, कि मि मेरा पिता अर तुमरा पिता, अर मेरा परमेस्वर अर तुमरा परमेस्वर का पास मथि जाणु छौं।”

यूहन्ना 15:10

अर जन मि अपणा पिता की आज्ञाओं को पालन कैरिके वेका प्यार मा बणयूं रौन्दु, ठिक उन्‍नि तुम भि अगर मेरी आज्ञाओं को पालन करिल्या, त मेरा प्यार मा बणयां रैल्या।

इब्रानी 12:2

अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

2 कुरिन्थि 10:4

अर जन एक सिपै लड़ै करण का बगत मा हथियारों को इस्तेमाल करदु, ठिक उन्‍नि मि भि विरोध करण वळा लोगु का दगड़ा मा परमेस्वर की ताकत को इस्तेमाल करदु अर वेका वचन से ऊंका झूठ्‍ठा विचारों को नास कैरी देन्दु।

लूका 22:42

“हे पिता, अगर जु तुमरि मरजी हो, त दुख का ये बगत तैं मेरा समणि बटि हटै द्‍या, पर फिर भि मेरी इच्छा ना, बल्किन मा तुमरि मरजी पूरि हो।”

मत्ती 26:42

तब वेन दुसरि बार जैके इन प्रार्थना कैरी, “हे मेरा पिता, अगर तुमरि मनसा या च कि दुख का ये बगत तैं मिन सौण ही च, त तुमरि या मनसा पूरि हो।”

2 कुरिन्थि 6:7

अर सच्‍चै का ये वचन तैं हम परमेस्वर की ताकत से लोगु तैं सुणौन्द्‍यां। अर परमेस्वर की नजर मा धरमी जीवन जीणु खुणि हम दुई हाथोंळ भलै का काम कना रौन्द्‍यां।

यूहन्ना 18:36

तब यीशु न जबाब देई, “मेरु राज ईं दुनियां को नि च। अर अगर जु मेरु राज ईं दुनियां को होन्दु, त मेरा सेवक लड़ै करदा, कि मि यहूदियों का हाथों मा पकड़वै नि जान्दु पर मेरु राज ईं दुनियां को नि च।”

यूहन्ना 17:24

“हे मेरा पिता, मि चान्दु छौं, कि जु लोग तुमुन मि मा सौंप्यां छिन, ऊ भि मेरा दगड़ा मा उख रा, जख मि रौलु। ताकि दुनियां की शुरुवात से पैलि तुमुन मि बटि प्यार कैरिके जु आदर-सम्मान मितैं देई, वेतैं वु देखि सैका।

लूका 12:30

किलैकि ईं दुनियां का लोग यों सब चीजों की तलास मा रौनदिन, अर तुमरो पिता जणदु च कि तुमतै यों चीजों की जरुरत च।