यूहन्ना 17:8 - Garhwali

⁸ किलैकि जु वचन तुमुन मितैं देई वु मिन ऊंतैं बतैयालि, अर ऊंन वेतैं स्वीकार कैरी। अर ऊ सच्‍चि मा ईं बात तैं जाणि गैनी, कि मि तुमरि तरफा बटि अयूं छौं, अर ऊ बिस्वास भि करदिन कि मितैं तुमुन ही भेजि।

गढवली नयो नियम

⁸ इलै जु संदेश तिल मि तैं दींनि, मिल ऊं तैं दे दींनि, अर ऊंल संदेश पर विश्वास कैरी अर सच-सच जांणि लील्या कि मि तेरा तरपां बट्टी अयुं छौं अर यु विश्वास कैरी कि तिल मि तैं भेजि।

यूहन्ना 17:8 Referans Kwoze

यूहन्ना 17:14

अर मिन तुमरो वचन ऊंतैं सुण्यालि, इलै दुनियां का लोगु न ऊं बटि बैर कैरी, किलैकि जन मि दुनियां को नि छौं, ठिक उन्‍नि ऊ भि दुनियां का नि छिन।

यूहन्ना 15:15

अर अब से मि तुमकु नौकर नि बोललु किलैकि नौकर नि जणदु कि वेको मालिक क्या-क्या करदु, पर मिन त तुमकु दगड़्या बोलि किलैकि जु कुछ मिन अपणा पिता बटि सुणी, उ सब कुछ मिन तुमतै बतैयालि।

यूहन्ना 16:30

अर अब हम समझि ग्यां, कि तुम सब कुछ जणदा छाँ। अर अब हमतै जरुरत नि च, कि तुम बटि कुछ भि सवाल पूछा। अर यां से हम बिस्वास करद्‍यां, कि तुम परमेस्वर की तरफा बटि अयां छाँ।”

यूहन्ना 16:27

किलैकि पिता खुद ही तुम बटि प्यार करदु अर इन उ इलै करदु, किलैकि तुमुन मिसे प्यार कैरी, अर ईं बात पर भि बिस्वास कैरी, कि मि पिता परमेस्वर की तरफा बटि अयूं छौं।

1 थिस्सलुनीकी 2:13

अर जब हम तुमरा पास अयां, त तुमुन परमेस्वर का वचन तैं स्वीकार कैरी। अर वे वचन तैं मनखि को वचन नि समझि, बल्किन मा परमेस्वर को वचन समझि के अपणा जीवन मा स्वीकार कैरी। इलै ईं बात का खातिर हम लगातार परमेस्वर को धन्यवाद करद्‍यां। अर या बात सच्‍च च, किलैकि यू वचन सच्‍चि मा परमेस्वर को ही वचन च जु की तुम बिस्वासी लोगु का बीच मा काम कनु च।

1 यूहन्ना 4:14

अर पिता परमेस्वर न अपणा पुत्र यीशु मसीह तैं ईं दुनियां मा भेजि। अर हमुन वेतैं देखि, इलै ही हम लोगु का बीच मा इन गवै देन्द्‍यां कि यीशु ही बचौण वळु च।

यूहन्ना 17:21

ताकि ऊ सभ्या का सभि एक ह्‍वे जा। हे मेरा पिता, जन तुम मि मा छाँ अर मि तुम मा छौं, ठिक उन्‍नि ऊ भि हम मा बणयां रा ताकि दुनियां का लोग बिस्वास कैरा, कि तुमुन ही मितैं भेजि च।

यूहन्ना 8:42

तब यीशु न ऊंकू बोलि कि, “अगर परमेस्वर तुमरो पिता होन्दु, त तुम मि बटि प्यार करदा, किलैकि मि परमेस्वर मा बटि ही निकळि के इख अयूं छौं। अर मि अपणी तरफा बटि नि अयूं, पर वेन ही मितैं भेजि च।

यूहन्ना 14:10

क्या त्वेतै बिस्वास नि च, कि मि पिता मा अर पिता मि मा च? अर जु बात मि तुम मा बुल्दु छौं, ऊ अपणी तरफा बटि नि बुल्दु, पर पिता मि मा रै के अपणा कामों तैं करदु च।

यूहन्ना 12:49

किलैकि मिन अपणी तरफा बटि कुछ भि नि बोलि, पर पिता जैन मितैं भेजि च, वेन मितैं या आज्ञा देई, कि मिन क्या-क्या बोन्‍न, अर क्या-क्या बतौण।

यूहन्ना 6:68

फिर शमौन पतरस न वेतैं जबाब देई, “हे प्रभु, हमुन कै मा जाण? किलैकि सदनि को जीवन देण वळी बात त तुम मा ही छिन।

1 थिस्सलुनीकी 4:1

हे मेरा भै-बैंणो, कुछ और भि बात छिन जु की मि तुमतै बतौण चाणु छौं। परमेस्वर तैं खुश करणु खुणि मनखि को चाल चलण कन्द्रयो होण चयेणु, ईं बात की शिक्षा हमुन तुमतै दियाली, अर वेका मुताबिक तुम चलणा भि छाँ। अब हम तुम बटि प्रभु यीशु का नौ से बिन्ती करद्‍यां, कि तुम अगनै भि इन्‍नि चलणा रा।

1 कुरिन्थि 15:1

हे मेरा भै-बैंणो, जु शुभ समाचार मिन तुमतै पैलि सुणै छौं, वेतैं तुमुन स्वीकार कैरी, अर वेमा तुम अटल भि छाँ, उई वचन मि तुमतै याद दिलौणु छौं।

यूहन्ना 17:23

अर तुम मि मा छाँ अर मि ऊंमा छौं, ताकि वु पूरि तरौं से एक ह्‍वे जा। अर यू देखि के दुनियां का लोग जाणि जाला, कि तुमुन ही मितैं भेजि च, अर जन तुमुन मि बटि प्यार कैरी, ठिक उन्‍नि प्यार ऊं बटि कैरी।

यूहन्ना 17:18

अर जन तुमुन मितैं ईं दुनियां मा भेजि, ठिक उन्‍नि मिन भि ऊंतैं ईं दुनियां मा भेजदु छौं।

मत्ती 13:11

अर वेन ऊंतैं जबाब दिनी, “तुमतै त परमेस्वर का राज का भेदों तैं बिंगण को ज्ञान दियूं च, मगर ऊं लोगु तैं ना।

1 कुरिन्थि 11:23

हे मेरा भै-बैंणो, ज्वा बात प्रभु की तरफा बटि मितैं मिली, वा ही बात मिन तुमतै सिखै कि प्रभु यीशु मसीह जिं रात वेतैं पकड़वै गै, वीं ही रात पकड़वै जाण से पैलि वेन रुट्‍टी ले,

यूहन्ना 3:33

अर जैन भि वेकी गवै तैं स्वीकार कैरी, वेन छाप लगै के इन परमाण दियाली की परमेस्वर सच्‍चु च।

यूहन्ना 3:17

परमेस्वर न अपणा पुत्र तैं इलै नि भेजि कि उ दुनियां का लोगु को न्याय कैरो, बल्किन मा वेन अपणा पुत्र तैं दुनियां का लोगु तैं बचौणु खुणि भेजि।

यूहन्ना 17:3

अर वु सदनि को जीवन यू च, कि तुम ही एकमात्र सच्‍चा परमेस्वर छाँ, अर तुमतै ऊ सभि पछ्याणी जा अर इन भि जाणि जा, कि मि यीशु मसीह तैं तुमुन ही भेजि।

दिब्य दरस 1:1

ईं किताब मा वु बात लिखी छिन जौं तैं यीशु मसीह न अपणा दिब्य दरसन का द्‍वारा मि पर परगट कैरी। अर यू सब बात वेन पिता परमेस्वर बटि पैनी, ताकि उ अपणा सेवकों पर ऊं घटनाओं का राज तैं परगट कैरो जु कि भौत जल्द पूरि होण वळी छिन। अर यों सब बातों तैं यीशु न अपणा स्वर्गदूत का द्‍वारा मि यूहन्‍ना पर परगट कैरी, मि जु कि यीशु को सेवक छौं।