यूहन्ना 16:2 - Garhwali

² किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

गढवली नयो नियम

² उ तुम तैं यहूदियों का मिलणा का भवन मा बट्टी भैर निकाली दयाला बल्कि उ बगत औंदु च कि जु कुई तुम तैं मारि डलला य समझला की मि परमेश्वर की सेवा करदु छों।

यूहन्ना 16:2 Referans Kwoze

यूहन्ना 9:22

वेका ब्वे-बाब यहूदियों का मुख्यों बटि डौऽरदा छा, इलै ऊंन इन बोलि। किलैकि यहूदियों का मुख्यों न एक सला बणैयालि छै, कि जु कुई भि इन कबूल कैरी द्‍यालु कि यीशु ही मसीह च, वेतैं हमेसा खुणि प्रार्थना भवन बटि भैर कैरी दिये जालु।

मत्ती 10:28

अर ऊं लोगु बटि नि डौऽरा जु तुमरि जान त ले सकदिन, मगर तुमरि आत्मा को नास नि कैरी सकदिन। पर मि तुमतै चितै देन्दु कि तुमतै परमेस्वर पर अपणी पूरि सरदा रखण चयेणी, अर वेसे डऽरण भि चयेणु, किलैकि उ तुमरा सरील अर आत्मा दुईयों तैं नरकलोक मा डालि के नास करण की ताकत रखदु।

दिब्य दरस 6:9

अर जब मेम्‍ना न पांचु मोर खोली, त मिन वेदी का मूड़ी कत्ल होयां लोगु की आत्माओं तैं देखि, जु कि परमेस्वर का वचन पर चलण की वजै से अर गवै देण कि वजै से मरे गै छा।

यूहन्ना 12:42

फिर भि भौत सरा यहूदी मुख्यों न यीशु पर बिस्वास कैरी, पर फरीसी दल का लोगु की डौऽरा का बानो उ खुलाआम नि बुलणा छा। किलैकि ऊंतैं या डौऽर लगदी छै, कि कखि हमतै प्रार्थना भवन बटि भैर नि किये जौ।

लूका 6:22

धन्य छाँ तुम किलैकि जब मनखि का पुत्र का बाना लोग तुम बटि नफरत करला, अर अपणा बीच मा बटि तुमरो तिरिस्कार करला। इख तक की ऊ तुमतै बदनाम करला, अर तुमरो नौ खराब कैरिके तुमतै दूर करला।

1 कुरिन्थि 4:13

ऊ लोग हमतै बदनाम करदिन, मगर हम ऊंतैं बड़ा प्यार से जबाब देन्द्‍यां हम ईं दुनियां को मैळ अर खौड़-कटग्यार बणि ग्यां।

खास चेलों 7:56

“सुणा, मि स्वर्ग तैं खुल्यूं अर मनखि का पुत्र तैं परमेस्वर की दैंणी तरफा खड़ु होयुं दिखणु छौं।”

मत्ती 24:9

अर वे बगत लोग तुमतै दुख देणु खुणि पकड़वै द्‍याला, अर तुम मि पर बिस्वास करद्‍यां इलै सब जाति का लोग तुम बटि नफरत करला, इख तक की मरवै भि द्‍याला।

यूहन्ना 9:34

फिर ऊंन वेकू झिड़की के बोलि, “तू त बिल्कुल पापों मा पैदा होयुं छैई, अर तू हमतै क्या सिखौणि छैई?” तब ऊंन वेतैं प्रार्थना भवन बटि बेदखल कैरी दिनी।

खास चेलों 5:33

अर या बात सुणी के ऊंका जिकुड़ियों मा आग लगि गै, अर ऊंन खास चेलों तैं जान से मरण चै।

यूहन्ना 4:21

तब यीशु न वींकू बोलि, “भुलि, तू मेरी ईं बात पर बिस्वास कैर, कि अब उ बगत औण वळु च जब कि तुम सामरी लोग पिता परमेस्वर की भक्‍ति तैं नऽ त ये ढौंडा पर करिल्या अर ना ही यरूशलेम नगर मा।

फिलिप्पी 3:6

अर जख तक जोस की बात की जौ, त मि बिस्वासी समुदाय का लोगु तैं सतौणु वळु छौ। अर मूसा का द्‍वारा दियां नियम-कानूनों की बात किये जौ त मि निरदोष छौ, किलैकि मि नियम-कानूनों को पूरु पालन भौत अच्छे करण वळु मनखि छौ।

यूहन्ना 4:23

पर अब उ बगत औण वळु च बल्किन अभि भि च, जब सच्‍चा भक्‍त पिता परमेस्वर की भक्‍ति तैं आत्मा अर सच्‍चै से करला, किलैकि पिता परमेस्वर अफु खुणि इन्‍नि भक्‍ति करण वळो तैं खुज्यान्दु च।

यूहन्ना 16:25

“अर अभि तक मिन यू बात तुमतै उदारण देके बतैनि, पर इन्द्रयो बगत औण वळु च, कि तब मि तुम बटि उदारणों मा नि बोललु, पर पिता का बारा मा तुमतै साफ-साफ बतै द्‍यूलु।

यूहन्ना 16:32

देखा, अब उ बगत औणु च, बल्किन मा ऐ भि गै। जब तुम सभि मितैं इखुली छोड़ि के तितर-बितर ह्‍वे जैल्या, अर अपणा-अपणा बाटों पर चलि जैल्या। तभि भि मि इखुली नि छौं, किलैकि मेरु पिता मेरा दगड़ा मा च।