यूहन्ना 14:11 - Garhwali

¹¹ अर मेरु बिस्वास कैरा, कि मि पिता मा छौं अर पिता मि मा च। निथर जौं कामों तैं मिन कैरी, ऊं कामों की वजै से त बिस्वास कैरा।

गढवली नयो नियम

¹¹ मेरू ही विश्वास कैरा, कि मि बुबा मा छौं अर बुबा मि मा च जु चमत्कार मिल कैरी छा मेरू विश्वास कैरा।

यूहन्ना 14:11 Referans Kwoze

यूहन्ना 10:38

अर अगर मि करदु छौं, त चै तुम मेरु बिस्वास कैरा या नि कैरा, पर ऊं कामों पर त बिस्वास कैरा, ताकि तुम जाणि अर समझि सैका, कि पिता मि मा, अर मि पिता मा बसदु छौं।”

यूहन्ना 5:36

पर ज्वा मेरी गवै च, या यूहन्‍ना की गवै से भि बड़ी च, किलैकि जु-जु काम मि मा पिता का द्‍वारा सौंप्यां छिन, याने कि जु-जु काम मि करदु वु मेरा गवा छिन, अर वु इन साबित करदिन कि पिता न मितैं भेज्यूं च।

यूहन्ना 10:25

यीशु न ऊंकू बोलि, “मिन तुम मा बोलियालि छौ, पर तुम बिस्वास नि करद्‍यां। अर जौं कामों तैं मि अपणा पिता का दियां अधिकार से करदु छौं, उई मेरा गवा छिन।

यूहन्ना 14:10

क्या त्वेतै बिस्वास नि च, कि मि पिता मा अर पिता मि मा च? अर जु बात मि तुम मा बुल्दु छौं, ऊ अपणी तरफा बटि नि बुल्दु, पर पिता मि मा रै के अपणा कामों तैं करदु च।

खास चेलों 2:22

“हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्‍वारा तुमरा बीच मा बड़ा-बड़ा चमत्कार का चिन्‍न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ।

इब्रानी 2:4

अर परमेस्वर न भि अपणी इच्छा का मुताबिक चिन्‍न, चमत्कार अर अलग-अलग किसम से सामर्थ का कामों का द्‍वारा इन कैरिके दिखै कि वेको रैबार सच्‍चु च। अर जौन वेतैं चुणी वेन ऊंतैं अपणा पवित्र आत्मा को दान दिनी।

यूहन्ना 10:32

पर यीशु न ऊंकू बोलि, “मिन त अपणा पिता की तरफा बटि भौत सरा भला काम कैरिके दिखैनि। अर ऊं मदि कौं कामों का बानो तुम मि पर ढुंगे मरण चन्द्‍यां?”

यूहन्ना 14:20

फिर वे दिन तुम जणिल्या, कि मि अपणा पिता मा छौं, अर तुम मि मा, अर मि तुम मा छौं।