यूहन्ना 14:10 - Garhwali

¹⁰ क्या त्वेतै बिस्वास नि च, कि मि पिता मा अर पिता मि मा च? अर जु बात मि तुम मा बुल्दु छौं, ऊ अपणी तरफा बटि नि बुल्दु, पर पिता मि मा रै के अपणा कामों तैं करदु च।

गढवली नयो नियम

¹⁰ मि बुबा मा छों अर बुबा मि मा च क्य तु यूं बातों पर विश्वास नि करदी? यु बात जु मि तुम बट्टी बुल्द छों, अपड़ी अर बट्टी नि बुल्दो, पर बुबा मि मा रै के करदो च जु उ चांदो च।

यूहन्ना 14:10 Referans Kwoze

यूहन्ना 5:19

फिर यीशु न ऊं खुणि बोलि, “मि तुम बटि सच्‍चि ही बोन्‍नु छौं, कि पुत्र अपणी तरफा बटि कुछ नि कैरी सकदु, पर उ पिता तैं जन काम करद दिखदु, ठिक उन्‍नि कामों तैं वु भि करदु, किलैकि जु कुछ भि पिता करदु, उ पुत्र भि करदु।

यूहन्ना 10:38

अर अगर मि करदु छौं, त चै तुम मेरु बिस्वास कैरा या नि कैरा, पर ऊं कामों पर त बिस्वास कैरा, ताकि तुम जाणि अर समझि सैका, कि पिता मि मा, अर मि पिता मा बसदु छौं।”

खास चेलों 10:38

अर पिता परमेस्वर न नासरत गौं का यीशु तैं अपणी पवित्र आत्मा अर सामर्थ देके चुणी के ठैरै, अर उ जग-जगा जैके के भलै का काम करदु छौ, अर जु लोग शैतान का द्‍वारा सतयां छा, यीशु ऊं लोगु तैं खूब करदु छौ, अर यू सब उ इलै करदु छौ, किलैकि परमेस्वर वेका दगड़ा मा छौ। अर ईं बात का बार मा भि तुम जणदा ही छाँ।

यूहन्ना 12:49

किलैकि मिन अपणी तरफा बटि कुछ भि नि बोलि, पर पिता जैन मितैं भेजि च, वेन मितैं या आज्ञा देई, कि मिन क्या-क्या बोन्‍न, अर क्या-क्या बतौण।

यूहन्ना 10:30

मि अर पिता एक ही छां।”

यूहन्ना 8:28

इलै वेन ऊंकू बोलि, “जब तुम मनखि का पुत्र तैं ऊँचा पर चड़ैल्या, तब तुमतै पता चललु, कि मि उई छौं अर मि अपणा अधिकार बटि कुछ नि करदु, पर जन मेरा पिता परमेस्वर न मितैं सिखै, ठिक उन्‍नि मि बुल्दु छौं।

कुलुसी 2:9

इलै हे मेरा भै-बैंणो, यीशु मसीह का मुताबिक जीवन जीण से तुम लोग भि आत्मिक रुप से भरपूर ह्‍वे ग्यां। हाँ, जु कि सब किसम की ताकत अर अधिकारो को मुखिया च, किलैकि पिता परमेस्वर की पूरि भरपूरी यीशु मसीह मा ही च।

यूहन्ना 17:8

किलैकि जु वचन तुमुन मितैं देई वु मिन ऊंतैं बतैयालि, अर ऊंन वेतैं स्वीकार कैरी। अर ऊ सच्‍चि मा ईं बात तैं जाणि गैनी, कि मि तुमरि तरफा बटि अयूं छौं, अर ऊ बिस्वास भि करदिन कि मितैं तुमुन ही भेजि।

यूहन्ना 5:17

पर यीशु न ऊंकू बोलि, “मेरु पिता अभि तक काम करदु, इलै मि भि काम करदु छौं।”

1 यूहन्ना 5:7

किलैकि पवित्र आत्मा सच्‍चै को आत्मा च।

2 कुरिन्थि 5:19

याने की जब यीशु मसीह तैं क्रूस पर मरे जाणु छौ, त वे बगत परमेस्वर दुनियां का सब लोगु का दगड़ा मेल-जोल को रिश्ता बणौणु छौ, ताकि लोगु का कियां अपराध को इळजाम ऊं पर नि लगये जौ, अर यू रैबार देणु खुणि ही परमेस्वर न हमतै ठैरै।

यूहन्ना 8:38

अर मि त ऊं बातों तैं बोन्‍नु छौं, जु मिन अपणा पिता परमेस्वर का इख दिखिनी। पर तुम त ऊं कामों तैं करद्‍यां, जु तुमुन अपणा बुबा बटि सुणिनी।”

कुलुसी 1:19

किलैकि पिता परमेस्वर तैं यू ही अच्छु लगि, कि वेकी पूरि भरपूरी यीशु मसीह मा ही हो।

यूहन्ना 14:20

फिर वे दिन तुम जणिल्या, कि मि अपणा पिता मा छौं, अर तुम मि मा, अर मि तुम मा छौं।

यूहन्ना 7:16

तब यीशु न ऊंतैं जबाब देई, “मेरु उपदेस मेरु अपणु नि च, पर मेरा भेजण वळा को च।

यूहन्ना 8:40

पर जै मनखि न परमेस्वर की तरफा बटि सुणी के तुमतै सच्‍चै बतै, वेतैं याने कि मितैं, तुम मरण चाणा छाँ। पर अब्राहम न त इन कभि नि कैरी।

यूहन्ना 11:26

अर जु कुई ज्यून्दा छिन अर मि पर बिस्वास करदिन, ऊ कभि नि मुरला। क्या तू ईं बात पर बिस्वास करदी?”

यूहन्ना 3:2

उ एक रात यीशु का पास ऐ अर बोलि, “गुरुजी, हम जणदा छां, कि तुम परमेस्वर की तरफा बटि गुरु ह्‍वेके अयां छाँ, किलैकि जौं चमत्कारिक कामों तैं तुम करद्‍यां, यू सिरफ उई कैरी सकदु जैका दगड़ा मा परमेस्वर हो।”

यूहन्ना 14:11

अर मेरु बिस्वास कैरा, कि मि पिता मा छौं अर पिता मि मा च। निथर जौं कामों तैं मिन कैरी, ऊं कामों की वजै से त बिस्वास कैरा।

यूहन्ना 14:24

पर जु कुई मि बटि प्यार नि करदु, उ मेरा वचन तैं भि नि मणदु। अर जु वचन तुम सुणद्‍यां, उ मेरु ना बल्किन मा जै पिता न मितैं भेजि च वेको च।