यूहन्ना 13:21 - Garhwali

²¹ अर इन बोन्‍ना का बाद यीशु हकबकौण लगि गै। अर वेन बोलि, “मि तुम बटि सच्‍चि ही बोन्‍नु छौं, कि तुम मा बटि एक न मितैं पकड़ौण च।”

गढवली नयो नियम

²¹ या बात बुल्णा का बाद यीशु आत्मा मा व्याकुल हवे अर अपड़ा चेलों तैं बतै “मि तुम मा सच-सच बुल्णु छौं कि तुम मा बट्टी एक मि तैं पकड़वालो।”

यूहन्ना 13:21 Referans Kwoze

मत्ती 26:21

अर जब ऊ खाणु खाणा छा त यीशु न अपणा चेलों कू बोलि, “मि तुम बटि सच्‍च बोन्‍नु छौं कि तुम मा बटि एक न मितैं धोखा से पकड़वाण।”

यूहन्ना 13:18

तब यीशु न फिर से बोलि, “मि तुम सभ्यों का बारा मा नि बोन्‍नु छौं, किलैकि जौं तैं मिन चुण्यालि, ऊ कन्द्रया छिन मि जणदु छौं। फिर भि यू इलै होणु च ताकि पवित्रशास्‍त्र को वु वचन पूरु हो जु कि इन च कि, “‘जैन मेरी रुट्‍टी खै, वेन ही मि पर लथि उठे।’

मरकुस 14:18

अर जब ऊ बैठि के खाणु खाणा छा, त यीशु न ऊंकू बोलि, “मि तुम से सच्‍चि बोन्‍नु छौं, कि तुम मा बटि एक जु मेरा दगड़ा खाणुक खाणु च उ मितैं धोखा से पकड़वै द्‍यालु।”

यूहन्ना 12:27

“मेरु ज्यू घबराणु च। अब मिन क्या बोन्‍न? ‘हे पिता दुख का ये बगत से मितैं बचै द्‍या,’ इन बुलण क्या? ना, इन नि बोन्‍न। किलैकि येका बानो ही मि अयूं छौं।

यूहन्ना 11:33

अर यीशु न देखि की मरियम रुंणी च, अर जु यहूदी लोग वींका दगड़ा मा अयां छा, ऊ भि रुंणा छिन। तब उ आत्मा मा भौत उदास ह्‍वे गै अर हकबकै गै।

1 यूहन्ना 2:19

असल मा यू लोग हमरा बीच मा बटि ही निकळि के ही ऐनी, मगर वु हमरा अपणा लोग नि छिन किलैकि अगर जु वु हमरा अपणा लोग होन्दा त वु हम दगड़ा मा रौन्दा। मगर ऊंन त हमतै छोड़याली, अर ऊंको इन करण से यू साबित ह्‍वे गै, कि ऊ हमरा अपणा लोग नि छिन।

खास चेलों 17:16

अर पौलुस एथेन्स नगर मा सीलास अर तीमुथियुस को इंतजार कनु छौ, अर ये नगर मा मूरतों की भरमार तैं देखि के उ अपणी आत्मा मा भौत दुखी ह्‍वे।

यूहन्ना 13:2

अर जब ऊ राति खाणु खाणा छा, तब शैतान न शमौन का नौना यहूदा इस्करियोती का मन मा पैलि ही यू विचार डालियेली छौ, कि उ यीशु तैं पकड़वै द्‍यो।

यूहन्ना 11:38

तब यीशु फिर से मन मा भौत उदास ह्‍वे अर कबर पर गै। अर वा कबर एक उड़्यार छै, अर वेका मुखा समणि एक डांग लग्यूं छौ।

यूहन्ना 11:35

अर यीशु रुंण लगि गै।

मरकुस 3:5

अर ऊंका निठुर पराण तैं देखि के यीशु तैं बड़ु दुख ह्‍वे, अर गुस्सा मा चौतरफि देखि के वेन सुख्यां हाथ वळा मनखि कू बोलि, “अपणु हाथ अगनै बढ़ो।” अर जब वेन अपणु हाथ अगनै बढै, तब वेकू हाथ खूब ह्‍वे गै।

मत्ती 26:38

अर यीशु न ऊंकू बोलि, “मेरु ज्यू भौत दुखी च, इन लगणु च कि मेरु पराण निकळण वळु होलु, तुम इख रुका अर मेरा दगड़ा मा बिज्यां रा।”

यूहन्ना 13:22

तब चेला सक कैरिके एक-दुसरा तैं दिखण लगि गैनी, कि उ कै का बारा मा या बात बोन्‍नु च।