यूहन्ना 13:13 - Garhwali

¹³ अर तुम मिकू गुरु अर प्रभु बुल्द्‍यां, अर तुम ठिक ही बुल्द्‍यां, किलैकि मि उई छौं।

गढवली नयो नियम

¹³ तुम मि कु गुरु अर प्रभु, बुल्दा अर जु तुम बुल्दा छा उ ठिक च किलैकि मि तुमारो गुरु अर प्रभु छों।

यूहन्ना 13:13 Referans Kwoze

लूका 6:46

तब यीशु न इन भि बोलि कि, “तुम मिकू ‘हे प्रभु, हे प्रभु,’ बुल्द्‍यां, पर जु मि बुल्दु, तुम वेतैं किलै नि मणद्‍यां?

फिलिप्पी 2:11

अर पिता परमेस्वर की बडै करणु खुणि हरेक जीब स्वीकार कैरो, कि यीशु मसीह ही प्रभु च।

1 कुरिन्थि 12:3

इलै मि तुमतै समझै देन्दु कि अगर कुई इन बुल्दु कि, “यीशु ही प्रभु च” त वु केवल परमेस्वर की आत्मा का बतै जाण का मुताबिक ही इन बुल्दु, अर इन्द्रयो मनखि कभि भि इन नि बोलि सकदु कि, “यीशु पर हाय च।”

यूहन्ना 11:28

तब इन बोलि के मारथा उख बटि चलि गै अर अपणी बैंण मरियम तैं चुपचाप बुलै के वींकू बोलि, “गुरुजी, इख अयां छिन, अर त्वेतै बुलाणा छिन।”

फिलिप्पी 3:8

अर इथगा ही ना बल्किन मा मि त प्रभु यीशु तैं पछ्याणदु छौं, अर या बात ही मि खुणि सबसे जादा फैदा की च, अर वेतैं पछ्यणन को जु ज्ञान मितैं मिली वेकी वजै से मि यों सब बातों तैं कूड़ा समझदु, अर इन मि इलै समझदु ताकि मि यीशु मसीह तैं पै सैकु अर वेका दगड़ा मा एक ह्‍वे जौ।

1 कुरिन्थि 8:6

मगर हम खुणि एक ही च जैतैं हम पिता परमेस्वर का रुप मा स्वीकार करद्‍यां, अर उ हमरु ही पिता परमेस्वर च जैन सभ्यों तैं बणै, अर हम वेकी सेवा करद्‍यां। अर हमरु एक ही प्रभु च जु कि यीशु मसीह च जैका द्‍वारा सब कुछ बणि, अर जु कुछ भि च वु वेका ही द्‍वारा बणि, अर जु जीवन वेन हमतै देई उ सदनि को च।

याकूब 2:19

तुम इन बिस्वास करद्‍यां की एक ही परमेस्वर च, य त भौत ही अच्छी बात च। पर याद रखा कि खबेस भि ईं बात तैं मणदिन अर थरथरे जनदिन।

लूका 10:28

तब यीशु न वेकू बोलि, “तिन ठिक जबाब देई, तू इन्‍नि कनु रौ तब त्वेतै सदनि को जीवन मिललु।”

लूका 7:43

तब शमौन न जबाब देई, “मेरा ख्याल से उ, जै पर जादा करज होयुं छौ।” तब वेन वेकू बोलि, “तिन ठिक जबाब देई।”

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

यूहन्ना 11:3

जब लाजर बिमार ह्‍वे गै, तब वेकी बैंणो न यीशु कू रैबार भेजि कि, “हे प्रभु देखा, जै से तुम प्यार करद्‍यां उ बिमार होयुं च।”

इफिसुस 6:9

अर हे मालिकों, अपणा-अपणा नौकरों को हक ऊंतैं द्‍या अर ऊंतैं डऽरै-धमकै के नि रखा, अर यू याद रखा कि स्वर्ग मा रौण वळु परमेस्वर तुम दुईयों को मालिक च, अर वु कै का दगड़ा मा भेदभाव नि करदु।