यूहन्ना 12:42 - Garhwali

⁴² फिर भि भौत सरा यहूदी मुख्यों न यीशु पर बिस्वास कैरी, पर फरीसी दल का लोगु की डौऽरा का बानो उ खुलाआम नि बुलणा छा। किलैकि ऊंतैं या डौऽर लगदी छै, कि कखि हमतै प्रार्थना भवन बटि भैर नि किये जौ।

गढवली नयो नियम

⁴² तब भि अधिकारियों मा बट्टी भि भौत ल वे पर विश्वास कैरी पर फरीसियों का कारण प्रगट मा नि मणदा छा यु डैर बट्टी की ऊं तैं यहूदियों का मिलणा का भवन मा बट्टी भैर निकलै जालो।

यूहन्ना 12:42 Referans Kwoze

यूहन्ना 9:22

वेका ब्वे-बाब यहूदियों का मुख्यों बटि डौऽरदा छा, इलै ऊंन इन बोलि। किलैकि यहूदियों का मुख्यों न एक सला बणैयालि छै, कि जु कुई भि इन कबूल कैरी द्‍यालु कि यीशु ही मसीह च, वेतैं हमेसा खुणि प्रार्थना भवन बटि भैर कैरी दिये जालु।

यूहन्ना 7:13

पर यहूदी मुख्यों का डौऽरा बाना कुई भि वेका बारा मा खुलि के नि बोन्‍नु छौ।

मत्ती 10:32

अर यीशु न अपणा खास चेलों कू इन भि बोलि, “जु मनखि लोगु का समणि मितैं स्वीकार करलु, मि भि वे मनखि तैं स्वर्ग मा रौण वळा पिता का समणि स्वीकार करलु।

1 यूहन्ना 4:15

अर जु कुई इन स्वीकार कैरी देन्दु, कि यीशु मसीह परमेस्वर को पुत्र च, त परमेस्वर वेमा वास करदु अर उ परमेस्वर का दगड़ा मा वास करदु।

1 यूहन्ना 4:2

अर तुमतै पिता परमेस्वर का पवित्र आत्मा का बारा मा इनकै पता चलण? कि ज्वा आत्मा इन स्वीकार कैरी देन्दु कि यीशु मसीह ईं दुनियां मा एक मनखि का रुप मा ऐ, त समझि जा कि वा आत्मा पिता परमेस्वर कि तरफा बटि च।

रोमियों 10:10

किलैकि पिता परमेस्वर की नजर मा धरमी साबित होणु खुणि एक मनखि तैं मन से बिस्वास करण पोड़दु। अर अपणा गिच्‍चळ इन गवै देण कि, “हाँ मि वे पर बिस्वास करदु।” अर इन करण से ही एक मनखि तैं बचयै जालु।

खास चेलों 5:41

अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी।

यूहन्ना 19:38

अर अरिमतिया नगर मा यूसुफ नौ को एक मनखि छौ, जु की यीशु पर बिस्वास करण वळु छौ। पर यहूदियों की डौऽर की वजै से ईं बात तैं छिपै के रखदु छौ। तब उ पिलातुस का पास जैके बिन्ती करण लगि गै, कि उ यीशु की लांश तैं लि जौ। अर पिलातुस बटि इजाजत मिलण का बाद उ ऐके यीशु की लांश तैं लि गै।

यूहन्ना 16:2

किलैकि लोग तुमतै प्रार्थना भवन बटि निकाळि द्‍याला। इथगा ही ना, बल्किन इन बगत औणु वळु च, कि जु कुई भि तुमतै जान से मरलु उ इन समझालु, कि इन कैरिके उ परमेस्वर की ही सेवा कनु च।

यूहन्ना 12:11

किलैकि वेकी वजै से भौत सरा यहूदी लोग ऊंतैं छोड़ि के यीशु पर बिस्वास करण लगि गै छा।

यूहन्ना 11:45

तब जु यहूदी लोग मरियम का दगड़ा मा अयां छा, ऊंमा बटि भौत सरा लोगु न यीशु का ये काम तैं देखि के वे पर बिस्वास कैरी।

यूहन्ना 9:34

फिर ऊंन वेकू झिड़की के बोलि, “तू त बिल्कुल पापों मा पैदा होयुं छैई, अर तू हमतै क्या सिखौणि छैई?” तब ऊंन वेतैं प्रार्थना भवन बटि बेदखल कैरी दिनी।

यूहन्ना 3:2

उ एक रात यीशु का पास ऐ अर बोलि, “गुरुजी, हम जणदा छां, कि तुम परमेस्वर की तरफा बटि गुरु ह्‍वेके अयां छाँ, किलैकि जौं चमत्कारिक कामों तैं तुम करद्‍यां, यू सिरफ उई कैरी सकदु जैका दगड़ा मा परमेस्वर हो।”

लूका 12:8

अर यीशु न बोलि मि तुमतै बतै देन्दु कि, “जु मनखि लोगु का समणि मितैं स्वीकार करलु, वेतैं मनखि को पुत्र भि परमेस्वर का स्वर्गदूतों का समणि स्वीकार करलु।

लूका 6:22

धन्य छाँ तुम किलैकि जब मनखि का पुत्र का बाना लोग तुम बटि नफरत करला, अर अपणा बीच मा बटि तुमरो तिरिस्कार करला। इख तक की ऊ तुमतै बदनाम करला, अर तुमरो नौ खराब कैरिके तुमतै दूर करला।

लूका 23:13

तब पिलातुस न मुख्य पुरोहितों अर अधिकारीयों अर लोगु तैं बुलै अर बोलि कि,

यूहन्ना 7:31

फिर भि भीड़ मा बटि भौत सरा लोगु न वे पर बिस्वास कैरी, अर ऊंन बोलि कि, “जब मसीह आलु, त क्या उ येसे भि जादा चमत्कारिक कामों तैं करलु?”