यूहन्ना 11:26 - Garhwali

²⁶ अर जु कुई ज्यून्दा छिन अर मि पर बिस्वास करदिन, ऊ कभि नि मुरला। क्या तू ईं बात पर बिस्वास करदी?”

गढवली नयो नियम

²⁶ अर जु मि मा ज्यूँदो च अर मि पर विश्वास करदु च उ कभि नि मुरुलो क्य तु ईं बात पर विश्वास करदी छै?”

यूहन्ना 11:26 Referans Kwoze

यूहन्ना 10:28

अर मि ऊंतैं सदनि को जीवन देन्दु छौं। अर फिर ऊ कभि नास नि होलि अर कुई भि ऊंतैं मि मा बटि छिनी नि सकदु।

रोमियों 8:13

किलैकि अगर जु तुम सरील की इच्छा का मुताबिक अपणा जीवन को गुजर-बसर करद्‍यां, त या बात पक्‍की च कि तुमरि आत्मिक मौत जरुर होण, पर अगर जु तुम पवित्र आत्मा का द्‍वारा सरील की इच्छा को नास करद्‍यां, त तुमतै सदनि को जीवन दिये जालु।

यूहन्ना 5:24

“अर मि तुम बटि सच्‍चि ही बोन्‍नु छौं, कि जु कुई मेरा वचनों तैं सुणी के मेरु भेजण वळा पर बिस्वास करदु, त जाणि ल्या की सदनि को जीवन वेकू ही च। अब वे पर दण्ड की आज्ञा नि ह्‍वेलि, किलैकि वेन मौत तैं भि पार कैरियाली अर वेतैं सदनि को जीवन मिली गै।

यूहन्ना 14:10

क्या त्वेतै बिस्वास नि च, कि मि पिता मा अर पिता मि मा च? अर जु बात मि तुम मा बुल्दु छौं, ऊ अपणी तरफा बटि नि बुल्दु, पर पिता मि मा रै के अपणा कामों तैं करदु च।

यूहन्ना 4:14

पर जु कुई भि मेरा दियां पाणि मा बटि प्यालु, वेतैं फिर सदनि तक तिस नि लगली, किलैकि जु पाणि मि वेतैं द्‍यूलु, उ वेमा बटि सदनि तक उछ्लण-कुदण वळु जीवन को एक छोया जन बणि जालु।”

मत्ती 9:28

अर जब यीशु घौर मा पौंछी, त वु दुई अन्धा भि वेका पास उखि ऐ गैनी। अर यीशु न ऊं बटि पूछी, “क्या तुमतै बिस्वास च कि मि तुमतै खूब कैरी सकदु छौं?” तब ऊंन यीशु तैं जबाब दिनी, “हाँ, प्रभु हम बिस्वास करद्‍यां।”

यूहन्ना 9:35

फिर यीशु न सुणी, कि यहूदियों का मुख्यों न वे जनम का अन्धा तैं भैर निकाळयालि। तब यीशु जैके वे बटि मिली अर वेकू बोलि, “क्या तू मनखि का पुत्र पर बिस्वास करदी?”

मरकुस 9:23

यीशु न वेकू बोलि, “तू क्या बात बोन्‍नि छैई, कि गुरुजी, तुम कुछ कैरी सकद्‍यां? अरे, बिस्वास करण वळा मनखि खुणि सब कुछ ह्‍वे सकदु।”

मत्ती 26:53

तू क्या सोचदी, क्या मि अपणा पिता बटि बिन्ती नि कैरी सकदु, कि मेरी हिफाजत का खातिर अपणा स्वर्गदूतों की बारह पलटणो से भि जादा मेरा पास भेजि द्‍यो?

यूहन्ना 6:47

मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, सदनि को जीवन वेकू च।