यूहन्ना 11:11 - Garhwali

¹¹ इन बुलण का बाद यीशु न ऊंकू फिर से बोलि कि, “हमरु दगड़्या लाजर सै गै, इलै मि वेतैं उठौणु कू जाणु छौं।”

गढवली नयो नियम

¹¹ ऊंल यु बात बोलि, अर यांका बाद ऊंमा बुल्ण लगि गैनी “हमारो दगड़िया लाजर सियूं च पर मि वे तैं बिजलणु कु जांणु छौं।”

यूहन्ना 11:11 Referans Kwoze

यूहन्ना 11:13

यीशु न त वेकी मौत का बारा मा बोलि छौ, पर ऊंन सोची कि उ वेतैं निन्द बटि उठौण का बारा मा बोन्‍नु च।

1 थिस्सलुनीकी 5:10

अर यीशु मसीह हम कू इलै मोरि ताकि हम चै ज्यून्दा रा या मोरि जां, हम सब मिली के वेका दगड़ा मा जीवन ज्यूला।

1 कुरिन्थि 15:51

अर सुणा, मि तुमतै राज की एक बात बतौन्दु, हम मा बटि कुछ लोग इन छिन जौन मुरण नि च बल्किन मा ऊंका सरील बदलि जाण।

खास चेलों 7:60

फिर वेन घुंडा टिकनी अर चिल्‍लै के बोलि, “मेरा प्रभु, ये पाप को दोष यों पर नि लग्यां” अर इन बोलि के वेन ईं दुनियां तैं छोड़ि दिनी।

मत्ती 27:52

अर इख तक की कबर खुलि गैनी, अर भौत सा परमेस्वर का पवित्र लोग जु मोरि गै छा, ऊ अपणा-अपणा सरील मा ज्यून्दा ह्‍वे गैनी।

इफिसुस 5:14

इलै ही पवित्रशास्‍त्र मा साफ-साफ लिख्यूं च कि, “हे सियां मनखि उठ, मुरदो मा बटि खड़ु हो, तब मसीह को उज्याळु त्वे पर चमकळु।”

मरकुस 5:39

तब वेन घौर का भितर जैके लोगु कू बोलि, “तुम हल्‍ला किलै मचौणा? अर किलै रुंणा छाँ? वा मोरि नि च बल्किन मा सिंणी च।”

मत्ती 9:24

तब वेन ऊं लोगु कू बोलि, “सब लोग इख बटि भैर चलि जा, किलैकि नौनि मोरि नि च बल्किन मा सिंणी च।” अर या बात सुणी के लोग यीशु पर हसण लगि गैनी।

याकूब 2:23

तब पवित्रशास्‍त्र की या बात पूरि ह्‍वे कि, “अब्राहम न परमेस्वर पर बिस्वास कैरी, अर ईं वजै से उ परमेस्वर की नजर मा धरमी ठैरै गै।” इलै पितर अब्राहम कू परमेस्वर को दगड़्या बुले गै।

1 कुरिन्थि 15:34

हे मेरा भै-बैंणो, जरा होस मा आ अर जु कुछ गळत च वेतैं करण छोड़ि द्‍या, किलैकि तुम मा बटि कुछ लोग इन छिन जु कि ईं बात तैं स्वीकार नि करदिन कि परमेस्वर मुरदो मा बटि ज्यून्द करलु। अर या बड़ा सरम की बात च, कि तुम मा बटि कुछ लोगु न अभि तक परमेस्वर तैं नि पछ्याणी।

यूहन्ना 11:3

जब लाजर बिमार ह्‍वे गै, तब वेकी बैंणो न यीशु कू रैबार भेजि कि, “हे प्रभु देखा, जै से तुम प्यार करद्‍यां उ बिमार होयुं च।”

यूहन्ना 3:29

अर ब्यौला उ च जैतैं ब्यौलि मिलदी च, पर ब्यौला को खास दगड़्या जु कि वेका समणि खड़ु ह्‍वेके वेकी सुणदु। अर उ ब्यौला की आवाज सुणी के बिजांम खुश होन्दु, ठिक उन्‍नि मेरी खुशी को भि कुई ठिकाणु नि च।

यूहन्ना 11:10

पर अगर कुई राति चलदु त वेतैं उतेडु़ लगदु, किलैकि राति मा उज्याळु नि होन्दु।”

यूहन्ना 11:12

तब चेलों न वेकू बोलि, “गुरुजी, अगर उसै गै त खूब ह्‍वे जालु।”