यूहन्ना 1:6 - Garhwali

⁶ तब परमेस्वर की तरफा बटि भेज्यूं एक मनखि ऐ, वेको नौ यूहन्‍ना छौ।

गढवली नयो नियम

⁶ परमेश्वर ल यूहन्ना नौं कु एक आदिम तैं भेजि।

यूहन्ना 1:6 Referans Kwoze

यूहन्ना 3:28

मिन बोलि छौ कि, ‘मि मसीह नि छौं पर वेसे पैलि भेज्यूं ग्यों।’ अर ईं बात मा तुम खुद ही मेरा गवा छाँ।

यूहन्ना 1:33

अर मि त वे मनखि तैं नि पछ्याणदु छौ, पर जै परमेस्वर न मितैं पाणि बटि बपतिस्मा देणु कू भेजि, वेन मिकू बोलि, कि ‘जै पर तू पवित्र आत्मा तैं उतरद अर ठैरिद दिखली, उई पवित्र आत्मा बटि बपतिस्मा देण वळु च।’

खास चेलों 13:24

अर यीशु का औण से पैलि यूहन्‍ना न इस्राएली लोगु तैं पापों बटि पस्ताप कैरिके बपतिस्मा का बारा मा परचार कैरी।

लूका 1:76

तब जकरयाह न अपणा नौना खुणि बोलि कि, “हे मेरा नौना, त्वे खुणि सबसे महान परमेस्वर को रैबर्या बुले जालु। किलैकि तू प्रभु का औण से पैलि वे खुणि बाटु तयार करली।

मत्ती 11:10

अर यू उई च, जैका बारा मा पवित्रशास्‍त्र मा लिख्यूं कि, “‘देख, मि अपणा रैबार देण वळा तैं त्वेसे पैलि भेजणु छौं। अर उ त्वेसे पैलि जैके त्वे खुणि बाटु तयार करलु।’

लूका 1:13

पर स्वर्गदूत न वेकू बोलि, “हे जकरयाह, डौऽर ना, किलैकि तेरी प्रार्थना तैं परमेस्वर न सुण्यालि। अर अब तेरी घरवळी इलीशिबा एक नौना तैं जनम द्‍याली, अर तू वेकू नौ यूहन्‍ना रखी।

मत्ती 21:25

चला इन बता कि यूहन्‍ना तैं बपतिस्मा देण को अधिकार परमेस्वर न दे छौ, या यू अधिकार वेतैं लोगु न दे छौ?” तब ऊ आपस मा बात-चित कैरिके बोन्‍न लगि गैनी, “अगर जु हम इन बुलला कि, ‘वेतैं यू अधिकार परमेस्वर की तरफा बटि मिल्यूं च,’ तब वेन हम कू बोन्‍न कि, ‘त फिर तुमुन वेका वचनों पर बिस्वास किलै नि कैरी?’