यूहन्ना 1:49 - Garhwali

⁴⁹ अर नतनएल न वेकू बोलि, “गुरुजी, तुम परमेस्वर का नौना छाँ अर तुम ही इस्राएल का राजा छाँ”

गढवली नयो नियम

⁴⁹ नतनएल ल वे तैं जवाब दींनि कि, हे गुरु तु परमेश्वर कु नौंनो छै तु इस्राएल का लुखुं का घराना को महाराजा छै।

यूहन्ना 1:49 Referans Kwoze

यूहन्ना 1:34

अर मिन यू खुद देखि च अर इन गवै देन्दु छौं, कि यू ही परमेस्वर को पुत्र च।”

लूका 19:38

“धन्य च उ राजा जु प्रभु का नौ से औन्दु, अर स्वर्ग मा शान्ति, अर सबसे महान परमेस्वर की बडै हो।”

मत्ती 27:42

“अरे येन दुसरो तैं बचै पर अब खुद तैं नि बचै सकणु रे, अर यू च ‘इस्राएल को राजा,’ अर अगर यू क्रूस बटि उतरि जौ त हम भि ये पर बिस्वास करुला।

मत्ती 21:5

“सिय्योन की नौनि कू बोला, ‘देख तेरु राजा तेरा पास औणु च, अर वु दीन च, अर गधा पर, बल्किन मा गधी का बच्‍चा पर बैठयूं च।’”

मत्ती 2:2

अर पूछण लगि गैनी कि, “यहूदियों को राजा जैको जनम ह्‍वे, उ कख च? किलैकि हमुन वेको गैंणु देखि। अर हम वेकी भक्‍ति करणु कू अयां छां।”

यूहन्ना 1:38

अर यीशु न मूड़ी के ऊंतैं अपणा पिछनै औन्द देखि अर ऊंतैं पूछी, “तुम कैतैं खुज्याणा छाँ?” ऊंन वेकू बोलि, “रब्बी तुम कख रौन्द्‍यां?” (रब्बी जैको मतलब गुरुजी च)।

मत्ती 27:11

अर जब यीशु तैं रोमी गवर्नर पिलातुस का समणि लये गै, त वेन वेसे पूछी, “क्या तू यहूदियों को राजा छैई?” यीशु न वेतैं जबाब दिनी, “तुम अफि बोन्‍ना छाँ।”

मत्ती 14:33

अर नाव मा बैठयां चेला यीशु का खुटों मा पोड़ि के बोन्‍न लगि गैनी, “सच्‍चि मा, तुम ही परमेस्वर का पुत्र छाँ।”

यूहन्ना 18:37

तब पिलातुस न यीशु तैं पूछी, “त क्या फिर तू राजा छैई?” वेन जबाब देई, “तुम ठिक ही बोन्‍ना छाँ, कि मि राजा छौं, अर मि त इलै ही जनमियूं अर ईं दुनियां मा मि इलै अयूं, कि सच्‍चै का बारा मा लोगु तैं बतौ। अर हरेक जु सच्‍चै का छिन, ऊ मेरी आवाज तैं सुणदिन।”

यूहन्ना 1:18

अर परमेस्वर तैं कैन कभि नि देखि, पर वेकू इकलौतु पुत्र, जु पिता की गोद मा बैठदु च, वेन ही वेतैं परगट कैरी।

मत्ती 4:3

तब शैतान जु कि भकलौण वळु च वेका पास ऐ, अर वेन यीशु कू बोलि, “अगर जु तू परमेस्वर को पुत्र छैई, त यों ढुंगो कू बोल कि रुट्‍टी बण जा।”

मत्ती 23:7

अर ऊ चनदिन कि लोग ऊंतैं बजारों मा नमस्कार कैरा, अर गुरु बोलि के ऊंतैं आदर-सम्मान द्‍या।

मत्ती 23:8

मगर तुम दुसरा लोगु बटि खुद तैं गुरु नि बुलवयां, किलैकि तुमरो एक ही गुरु च, अर तुम सब आपस मा भै छाँ।

मरकुस 15:32

इस्राएल को राजा मसीह, अगर यू क्रूस बटि उतरि के ऐ जालु, त हम भि देखि के बिस्वास करुला।” अर जु दुई डाकु यीशु का दगड़ा क्रूस पर चड़ये गै छा, वु भि यीशु कू ज्या कुछ बोलि के वेकी बेजती कना छा।

लूका 1:35

तब स्वर्गदूत न वींतैं जबाब देई कि, “पवित्र आत्मा त्वे पर उतरलु, अर सबसे महान परमेस्वर की शक्‍ति त्वेतै चौतरफि बटि घेरि के रखलि। इलै जु बच्‍चा पैदा होण वळु च, उ पवित्र होलु अर वेकू परमेस्वर को पुत्र बुले जालु।

यूहन्ना 1:50

फिर यीशु न वेतैं जबाब देई, “मिन जु त्वेकू बोलि कि, ‘मिन त्वेतै तिमला डाळा का तौळ देखि,’ क्या इलै ही तू मि पर बिस्वास करदी? मि तुमतै बतै देन्दु, कि तुम येसे भि बड़ा-बड़ा कामों तैं दिखल्या।”

यूहन्ना 4:31

अर इथगा मा चेलों न यीशु बटि बिन्ती कैरी, “गुरुजी, कुछ खै ल्यावा।”