यूहन्ना 1:48 - Garhwali

⁴⁸ तब नतनएल न वे बटि पूछी, “तुम मितैं कनकै जणद्‍यां?” फिर यीशु न वेकू बोलि, “फिलिप्पुस न जब त्वेतै बुलै, वेसे पैलि मिन त्वेतै तिमला का डाळा तौळ देखियाली छौ।”

गढवली नयो नियम

⁴⁸ नतनएल ल वेमा बोलि, तु मि तैं कख बट्टी जंणदी छै? यीशु ल वे तैं जवाब दींनि यां बट्टी पैली कि फिलिप्पुस ल त्वे तैं बुलै जब तु बेडु का डाला तौला छै तब मिल त्वे तैं देखि छो।

यूहन्ना 1:48 Referans Kwoze

यूहन्ना 2:25

अर वेतैं कुई जरुरत नि छै, कि कुई भि वेतैं मनखियों का बारा मा बतौ। किलैकि उ खुद ही जणदु छौ, कि मनखियों का मनों मा क्या च।

मत्ती 6:6

पर जब तू प्रार्थना करली, त अपणी कुठड़ी मा जैके द्‍वार बन्द कैर अर अपणा पिता परमेस्वर बटि प्रार्थना कैर, जु की दिखेन्दु नि च। तब स्वर्ग मा रौण वळु तेरु पिता जु कि तेरी छिपी बातों तैं भि जणदु च, उ यां को इनाम त्वेतै जरुर दयालु।

1 कुरिन्थि 14:25

तब वेतैं इन मैसूस होलु कि पिता परमेस्वर वेका सब कामों का बारा मा जणदु च, जु वेन कैरी छिन। तब उ भ्वीं मा पोड़ि के पिता परमेस्वर की भक्‍ति करलु अर बुललु “सच्‍चि मा ज्यून्द पिता परमेस्वर तुमरा बीच मा च।”

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

मत्ती 10:3

फिलिप्पुस, बरतुल्मै, थोमा, चुंगी लेण वळु मत्ती हलफई को नौनु याकूब अर तद्‍दै,

यूहन्ना 1:44

फिलिप्पुस त बैतसैदा नगर को रौण वळु छौ, जख अन्द्रियास अर पतरस भि रौन्दा छा।

यूहन्ना 6:5

जब यीशु न देखि, की एक बड़ी भीड़ वेकी तरफा औणी च, तब वेन अपणा चेला फिलिप्पुस कू बोलि, “यों खुणि खाणु खुणि रुट्‍टी हम कख बटि मोल लाँ?”

यूहन्ना 6:7

तब फिलिप्पुस न वेतैं जबाब देई, “दुई सौ दीनार की रुट्‍टी भि यों खुणि पूरि नि होलि जु की हरेक तैं जरा-जरा भि मिली जौ।”

यूहन्ना 12:21

अर यू लोग गलील मुलक का बैतसैदा नगर का रौण वळा फिलिप्पुस का पास गैनी, अर वे बटि बिन्ती कैरी कि, “श्रीमान, हम तुमरा गुरु यीशु बटि मिलण चन्द्‍यां।”

यूहन्ना 14:8

तब फिलिप्पुस न वेकू बोलि, “प्रभु हमतै पिता का दरसन करै द्‍या, हम खुणि त इथगा ही काफी च।”