यूहन्ना 1:31 - Garhwali

³¹ अर मि यू नि जणदु छौ कि यू उई च, पर मि पाणि बटि बपतिस्मा देन्दु छौं, ताकि उ इस्राएली लोगु मा पछ्याणे जौ।”

गढवली नयो नियम

³¹ अर मि त वे तैं पैछणदो नि छो की उ मसीह च पर इस्राएल का लुखुं तैं यु बतौंणु कु की उ को च मि पांणी बट्टी बपतिस्मा दींदु छों।

यूहन्ना 1:31 Referans Kwoze

लूका 1:17

अर उ परमेस्वर का रैबर्या एलिय्याह की आत्मा अर सामर्थ पैके खुद प्रभु का अगनै आलु। ताकि बाल-बच्‍चों जनै ध्यान देणु खुणि उ बुबों का मनों तैं ऊंकी तरफा कैरी द्‍यो, अर आज्ञा नि मनण वळो तैं धरमी बणणो को ज्ञान द्‍यो, अर प्रभु खुणि एक लैख परजा तयार कैरो।”

यूहन्ना 1:33

अर मि त वे मनखि तैं नि पछ्याणदु छौ, पर जै परमेस्वर न मितैं पाणि बटि बपतिस्मा देणु कू भेजि, वेन मिकू बोलि, कि ‘जै पर तू पवित्र आत्मा तैं उतरद अर ठैरिद दिखली, उई पवित्र आत्मा बटि बपतिस्मा देण वळु च।’

यूहन्ना 1:7

उ गवै देणु खुणि ऐ, ताकि उ उज्याळा का बारा मा गवै दे सैको अर वेका द्‍वारा सभि मनखि बिस्वास करण लगि जां।

मत्ती 3:6

अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा ले।

खास चेलों 19:4

तब पौलुस न ऊंकू बोलि, “यूहन्‍ना न त पापों से पस्ताप करण को बपतिस्मा दे छौ वेन बोलि छौ, जु मेरा बाद औण वळु च वे पर बिस्वास कर्यां।” अरे, वु जैका बारा मा बोन्‍नु छौ वु यीशु मसीह ही च।

मत्ती 3:13

अर ऊं दिनों मा यीशु गलील मुलक बटि ह्‍वेके यरदन गाड का छाला पर यूहन्‍ना का पास बपतिस्मा लेणु कू ऐ।

यूहन्ना 1:30

अर यू उई च जैका बारा मा मिन बोलि छौ कि, ‘उ जु मेरा बाद औण वळु च, उ मिसे भि महान च किलैकि उ मिसे भि पैलि बटि छौ।’

यूहन्ना 1:32

अर फिर यूहन्‍ना न या भि गवै दे, “मिन स्वर्ग बटि पवित्र आत्मा तैं एक कबूतर का रुप मा उतरद देखि अर उ यीशु पर ठैरि गै।