यूहन्ना 1:17 - Garhwali

¹⁷ भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।

गढवली नयो नियम

¹⁷ मूसा का द्वारा लिखीं परमेश्वर की व्यवस्था दिये गै, पर परमेश्वर ल यीशु मसीह का द्वारा दया अर सचै दिखै।

यूहन्ना 1:17 Referans Kwoze

रोमियों 6:14

अगर जु तुम इन करिल्या, त तुम पर पाप को कुई अधिकार नि होलु, किलैकि अब तुम नियम-कानून का अधीन मा नि छाँ, बल्किन मा परमेस्वर की किरपा का अधीन ह्‍वे ग्यां।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

इब्रानी 9:22

अर सच्‍चि बात त या च कि मूसा का दियां नियम-कानून का मुताबिक अकसर सभि चीज ल्वे का द्‍वारा ही शुद्ध किये जनदिन, अर माफी पौणु खुणि ल्वे बुगण जरुरी च।

यूहन्ना 8:32

तब तुम सच्‍चै तैं जणिल्या, अर वा सच्‍चै तुमतै आजाद करली।”

यूहन्ना 7:19

क्या मूसा न तुमतै नियम-कानून नि दिनी? फिर भि तुम मा बटि कुई भि ऊं नियम-कानूनों पर नि चलदु। त फिर तुम मितैं किलै मरण चाणा छाँ?”

खास चेलों 28:23

तब ऊंन पौलुस का दगड़ा मा बात-चित करणु खुणि एक दिन ठैरै। अर जब उ दिन ऐ, त भौत सा लोग वे घौर मा जमा ह्‍वेनि, जै घौर मा पौलुस रुक्युं छौ। तब पौलुस ऊंतैं यीशु का बारा मा, मूसा का दियां नियम-कानूनों का बारा मा, अर रैबर्यों की किताबों बटि समझौण लगि गै, अर वेन परमेस्वर का राज का बारा मा भि अपणी गवै दे, अर यू सब बिंगौन्द-बिंगौन्द सुबेर बटि रुमुक ह्‍वे गै।

गलातियों 3:17

दगड़्यों मेरु बोन्‍न को मतलब इन च कि जै करार तैं पिता परमेस्वर न अब्राहम का दगड़ा मा कैरी, वेका चार सौ तीस साल बाद नियम-कानून दिये गैनी। इलै अब यू नियम-कानून वे करार तैं बदलि नि सकदिन अर ना ही रद्‍द कैरी सकदिन।

खास चेलों 7:38

अर यू उई मूसा छौ जु की निर्जन जगा मा इस्राएली लोगु का दगड़ा मा छौ, अर जैन बिचलु को काम कैरी छौ। अर सीनै पाड़ पर उ वे स्वर्गदूत का दगड़ा मा छौ जैन वेका दगड़ा मा बात कैरी छै, अर उ हमरा पितरों का दगड़ा मा छौ। अर वेन ही यू वचन हमतै देणु खुणि ज्यून्दा पिता परमेस्वर बटि पै।

यूहन्ना 5:45

तुम इन नि समझा, कि मि पिता का समणि तुम पर दोष लगौलु। किलैकि तुम पर दोष लगौण वळु त मूसा च, अर वेका दियां नियम-कानूनों पर तुमुन बेकार मा अपणी आस लगईं च।

2 कुरिन्थि 1:20

किलैकि पिता परमेस्वर का जथगा भि करार छिन ऊ सब यीशु का द्‍वारा “हाँ” मा ही पूरा होनदिन। इलै ही हम यीशु मसीह का नौ का द्‍वारा पिता परमेस्वर की तारीफ खुणि “आमीन” बुल्द्‍यां अर यां से परमेस्वर की बडै होन्दी।

यूहन्ना 9:29

अर हम जणदा छां कि, परमेस्वर न मूसा का दगड़ा मा बात कैरी, पर हम ये मनखि तैं नि जणद्‍यां, कि यू कख बटि अयूं च।”

यूहन्ना 18:37

तब पिलातुस न यीशु तैं पूछी, “त क्या फिर तू राजा छैई?” वेन जबाब देई, “तुम ठिक ही बोन्‍ना छाँ, कि मि राजा छौं, अर मि त इलै ही जनमियूं अर ईं दुनियां मा मि इलै अयूं, कि सच्‍चै का बारा मा लोगु तैं बतौ। अर हरेक जु सच्‍चै का छिन, ऊ मेरी आवाज तैं सुणदिन।”