यूहन्ना 1:15 - Garhwali

¹⁵ तब यूहन्‍ना बपतिस्मा देण वळन वेका बारा मा गवै दे, अर चिल्‍लै-चिल्‍लै के इन बोलि कि, “यू मनखि उई च, जैका बारा मा मिन बोलि छौ, उ जु मेरा बाद औण वळु च, उ मिसे भि महान च किलैकि उ मिसे भि पैलि बटि छौ।

गढवली नयो नियम

¹⁵ यूहन्ना ल वेका बारा मा गव्है दींनि और चिल्लै कै बोलि, “यु उ ही च जैकू मिल ब्यौरा कैरी छो कि जु मेरा बाद औणु च उ मि बट्टी बड़ी के च, किलैकि उ मि से पैली बट्टी छो।”

यूहन्ना 1:15 Referans Kwoze

मत्ती 3:11

“अर मि त तुमतै पापों से माफी पौणु खुणि पाणिळ बपतिस्मा देणु छौं। पर उ मनखि औण वळु च, जु मिसे भि जादा ताकतबर च, अर मि ये लैख भि नि छौं कि वेको नौकर बणि के वेका जुता उठे सैकु अर उ तुमतै पवित्र आत्मा अर आग बटि बपतिस्मा द्‍यालु।

कुलुसी 1:17

अर यीशु ही सब चीजों मा सबसे पैलु च, अर सब चीज वे पर ही टिकी छिन।

यूहन्ना 17:5

“हे पिता, दुनियां की शुरुवात से पैलि जब मि तुमरा दगड़ा मा छौ, तब मितैं बड़ु आदर-सम्मान मिलदु छौ, अर अब जब तुमरा दगड़ा मा रौलु त उई आदर-सम्मान मितैं मिलु।”

लूका 3:16

तब यूहन्‍ना न ऊं सभ्यों कू बोलि, “मि त तुमतै पाणिळ बपतिस्मा देणु छौं, पर उ औण वळु च, जु मिसे भि जादा ताकतबर च। अर मि ये लैख भि नि छौं कि वेका जुतों का तसमा भि खोली सैकु। अर उ तुमतै पवित्र आत्मा अर आग बटि बपतिस्मा द्‍यालु।

यूहन्ना 8:58

अर यीशु न ऊंकू बोलि, “मि तुम बटि सच्‍चि बोन्‍नु छौं, कि जब अब्राहम पैदा भि नि ह्‍वे छौ, वेसे पैलि बटि मि छौं।”

दिब्य दरस 2:8

अर येका बाद यीशु न मिकू इन बोलि कि, “स्मुरना नगर मा रौण वळा बिस्वासी समुदाय का दूत खुणि इन लिख कि: “यीशु जु कि पैलु अर आखिरी च, जु मोरि गै छौ मगर अब ज्यून्दु च उ इन बुल्दु कि:

इब्रानी 13:8

अर यीशु मसीह अभि भि उन्‍नि च जन वु पैलि छौ, अर वेन सदनि तक एक ही जन रौण।

यूहन्ना 1:27

यू उई च, जु मेरा बाद औण वळु छौ। मि इथगा लैख भि नि छौं कि वेका जुतों का तसमा भि खोली सैकु।”

मरकुस 1:7

अर उ इन परचार करदु छौ कि, “मेरा बाद एक इन मनखि औण वळु च, जु मिसे भि जादा ताकतबर च अर मि ये लैख भि नि छौं, कि झुकि के वेका जुतों का तसमा भि खोली सैकु।

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”