याकूब 5:9 - Garhwali

⁹ हे मेरा भै-बैंणो, तुम एक-दुसरा पर नि कुड़कुड़ावा, ताकि तुम पर इळजाम नि लगये जौ। सुणा, न्याय करण वळु प्रभु द्‍वार पर ही च।

गढवली नयो नियम

⁹ हे विश्वासी भयों, एक हैंका पर भंगार नि लगावा, ज्यां ल तुम पर भि भंगार नि लगाये जौं, देखा प्रभु को न्याय कनु को दिन नजदीक च।

याकूब 5:9 Referans Kwoze

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

याकूब 4:11

हे मेरा भै-बैंणो, एक-दुसरा का खिलाप मा नि बोला। अगर कुई अपणा बिस्वासी भै-बैंणो का खिलाप बुल्दु, या ऊं पर इळजाम लगौन्दु, त उ परमेस्वर का नियम-कानून पर इळजाम लगौन्दु अर अगर जु तुम नियम-कानून पर इळजाम लगौन्द्‍यां, त तुम नियम-कानून का पालन करण वळा नि छाँ, बल्किन मा तुम अफि ही न्याय करण वळा बणि ग्यां।

मत्ती 24:33

अर ठिक इन्‍नि जब तुम संकट की यों बातों तैं होन्द दिखल्या, त समझि जयां कि मनखि का पुत्र को वापस औण नजदीक ही च, बल्किन मा समणि ही ऐ गै।

1 पतरस 4:9

अर बिना कचर-कचर कर्यां, एक-दुसरा की मैमानदारी कैरा।

गलातियों 5:26

अर हमतै खुद पर बड़ु मोन नि करण चयेणु, अर ना ही कैतैं चिडौण चयेणु, अर ना ही एक-दुसरा तैं देखि के अपणा मन मा जलन रखण चयेणी।

1 पतरस 4:5

पर एक दिन ऊं सब लोगु तैं अपणु-अपणु हिसाब-किताब पिता परमेस्वर तैं देण पोड़लु, जु कि ज्यून्दा अर मुरयां लोगु को न्याय करणु खुणि तयार बैठयूं च।

गलातियों 5:14

किलैकि पूरु नियम-कानून एक ही बात मा पूरु ह्‍वे जान्दु अर वु इन च कि, “जन प्यार तू अफ बटि करदी उन्‍नि सब लोगु से भि कैर।”

1 कुरिन्थि 10:11

अर यू सब बात ऊंका दगड़ा ह्‍वेनि, ताकि वु सभ्यों खुणि एक उदारण बणि जा। अर येका बारा मा पवित्रशास्‍त्र मा भि लिख्यूं च, ताकि हम इन नि कैरा जन ऊंन कैरी, किलैकि हम दुनियां का वे बगत मा जीण छां, जु कि आखिरी को बगत च।

मरकुस 13:29

ठिक उन्‍नि जब तुम ऊं बातों तैं होन्द दिखल्या, त समझि ज्यां कि मनखि का पुत्र को वापस औण नजदीक ही च, बल्किन मा समणि ही च।

2 कुरिन्थि 9:7

इलै जैन अपणा मन मा जथगा देण कि सोच्‍चि वु वेका मुताबिक ही दान द्‍यो। अर जब तुम ये काम तैं करिल्या त कुड़कुड़ा ना, अर ना ही जोर-जबरदस्ती मा ऐके इन कैरा। अर अगर जु तुम खुश ह्‍वेके यू दिल्या, त ईं बात तैं जाणि ल्या कि पिता परमेस्वर ऊं लोगु से भौत खुश होन्दु जु खुशी-खुशी से देन्दिन।

मरकुस 6:19

हेरोदियास त यूहन्‍ना से भौत खार खान्दी छै, अर वा चान्दी छै कि वा यूहन्‍ना तैं जान से मरवै द्‍यो, मगर वींन इन नि कैरी सैकी।

दिब्य दरस 3:20

देखा, मि द्‍वार पर खड़ु ह्‍वेके खखटाणु छौं, अगर कुई मेरी आवाज सुणी के द्‍वार तैं खोली द्‍यालु, त मि भितर औलु तब हम दगड़ा मा खाणुक खौला।

याकूब 4:12

पर नियम-कानून तैं देण वळु अर न्याय करण वळु एक ही परमेस्वर च। अर वेमा ही बचौण, अर नास करण की ताकत च। पर तुम कु होनद्‍यां, जु कि अपणा पड़ोसीयों पर इळजाम लगौन्द्‍यां?

याकूब 5:7

इलै हे मेरा भै-बैंणो, प्रभु का फिर से औण वळा दिन तक सबर रखा। अर सुणा, जन किसान पुंगड़ों मा होण वळी कीमती फसल को पैदा होणु खुणि इंतजार करदु। अर अपणु सबर पैलि अर आखिरी बरखा का होण तक बणै के रखदु,

याकूब 5:10

हे मेरा भै-बैंणो, जौं रैबर्यों न प्रभु का नौ से वचन सुणै, ऊंन जु दुख-तकलीफ झिलनी अर सबर रखी, ऊं सब बातों तैं तुम अफु खुणि एक नमूना समझा।