याकूब 5:15 - Garhwali

¹⁵ अर बिस्वास से करीं प्रार्थना का द्‍वारा उ बिमार मनखि खूब ह्‍वे जालु, अर प्रभु वेतैं खड़ु उठालु। अर अगर वेन पाप भि कैरी होला, त ऊ भि माफ किये जाला।

गढवली नयो नियम

¹⁵ अर विश्वास बट्टी कैरी प्रार्थना ल बिमार बचि जालो, अर प्रभु वे तैं ठिक करलो; जु वेका पाप भि करयां हो, तब भि पिता परमेश्वर वे तैं माफ कैरी दयालो।

याकूब 5:15 Referans Kwoze

याकूब 5:13

जब तुम मदि कुई दुखी हो, त उ प्रार्थना कैरो। अर अगर कुई खुश हो, त उ भक्‍ति का गीत गौ।

याकूब 5:16

इलै तुम एक-दुसरा का समणि अपणा-अपणा पापों तैं मणिल्या, अर एक-दुसरा खुणि प्रार्थना कैरा, ताकि तुम बिमारियों मा बटि खूब ह्‍वे जा। किलैकि जु मनखि परमेस्वर की नजर मा धरमी च वेकी प्रार्थना का द्‍वारा भौत कुछ ह्‍वे सकदु च।

याकूब 1:6

पर उ सक नि कैरो, बल्किन मा बिस्वास से मांगु। किलैकि जु कुई सक करदु, उ समुन्दर की लैर का जन च जु कि हवा का दगड़ि इनै-उनै जान्दी अर उठणी-बैठणी रौन्दी।

मत्ती 17:20

वेन ऊंतैं जबाब दिनी, “किलैकि तुम मा बिस्वास की कमी च, अर मि तुम लोगु से सच्‍च बोन्‍नु छौं कि अगर जु तुमरो बिस्वास लय्या का बीज बराबर भि होलु, अर तुम ये पाड़ कू भि बोलिल्या कि ‘इख बटि हटि के उख चलि जा,’ त उ भि हटि जालु। अर अगर तुम बिस्वास करिल्या, त हरेक बात तुम खुणि पूरि ह्‍वेलि।”

यूहन्ना 5:14

फिर येका बाद यीशु वे मनखि तैं मन्दिर मा मिली अर वेकू बोलि, “देख, तू खूब ह्‍वे गै। अब येका बाद पाप नि कैरी, कखि इन ना हो कि त्वे पर येसे भि जादा विपदा ऐ जौ।”

यूहन्ना 6:39

अर मेरा भेजण वळे की मनसा या च, कि जु कुछ भि वेन मितैं सौंपी, मि वामा बटि कुछ भि नि हरचौं, बल्किन वेतैं आखिरी का दिन मा ज्यून्दु कैरी द्‍यूं।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।

2 कुरिन्थि 4:14

अर हमतै यू भि यकीन च कि जै पिता परमेस्वर न प्रभु यीशु तैं ज्यून्दु कैरी, उ हमतै भि वेका दगड़ा मा ज्यून्दु करलु, अर उ हम सभ्यों तैं यीशु का दगड़ा मा रौण खुणि अपणा समणि खड़ु भि करलु।

याकूब 5:20

त उ इन जाणि ल्यो, कि जु कुई एक भटक्यां पापि मनखि तैं सच्‍चै का बाटा पर वापिस लेके औन्दु, त उ वेका पराण तैं मौत बटि बचौन्दु। अर जु मनखि वापिस लौटी के अयूं च, वेका भौत सा पाप माफ ह्‍वे जनदिन।