याकूब 4:4 - Garhwali

⁴ हे बिस्वासघात करण वळा लोगु, क्या तुम नि जणद्‍यां, कि दुनियां की बुरी बातों से प्यार करण को मतलब, परमेस्वर बटि नफरत करण च? इलै जु कुई ईं दुनियां की बुरी बातों से प्यार करदु, उ खुद अफ तैं परमेस्वर को दुसमन बणै देन्दु।

गढवली नयो नियम

⁴ हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।

याकूब 4:4 Referans Kwoze

रोमियों 8:7

किलैकि शरीर पर मन लगौण को मतलब परमेस्वर का दगड़ा मा दुसमनी रखण च, अर मनखि को सरील ना त परमेस्वर का नियम-कानून का अधीन च अर नऽ त कभि ह्‍वे सकदु।

गलातियों 1:10

अर तुमतै क्या लगदु, कि क्या अब मि लोगु तैं मनौण की कोसिस कनु छौं? ना, मि त परमेस्वर तैं मनौण चान्दु। अर तुमतै क्या लगदु कि मि मनखियों तैं खुश कनु छौं? नऽ रे ना, अगर जु मि अभि तक मनखियों तैं खुश कनु रौन्दु, त मि परमेस्वर को सेवक नि होन्दु।

यूहन्ना 15:19

अर अगर जु तुम दुनियां का लोगु का जन होन्दा, त दुनियां का लोग तुमतै अपणु जाणि के तुम से प्यार करदा, पर तुम त दुनियां का लोगु का जन नि छाँ। किलैकि मिन तुमतै दुनियां मा बटि चुण्यालि, इलै दुनियां का लोग तुम से नफरत करदिन।

मत्ती 6:24

तब यीशु न भीड़ का लोगु कू इन भि बोलि, “कुई भि मनखि दुई मालिकों की सेवा नि कैरी सकदु, किलैकि अगर वु करलु त एक बटि प्यार करलु अर दुसरा बटि नफरत, य त उ एक का दगड़ा मा वफादार रालु अर दुसरो को तिरिस्कार करलु। ठिक उन्‍नि तुम लोग भि परमेस्वर अर धन दुईयों की सेवा नि कैरी सकद्‍यां।

यूहन्ना 17:14

अर मिन तुमरो वचन ऊंतैं सुण्यालि, इलै दुनियां का लोगु न ऊं बटि बैर कैरी, किलैकि जन मि दुनियां को नि छौं, ठिक उन्‍नि ऊ भि दुनियां का नि छिन।

याकूब 1:27

पर जु मनखि अनाथों अर विधवाओं का दुख मा ऊंकी देख-रेख करदु, अर खुद तैं दुनियां की बुरै से बचै के रखदु उई परमेस्वर की नजर मा सच्‍चु धरमी च। अर इन्द्रया धरमी ही पिता परमेस्वर की नजर मा बेदाग अर सच्‍चा छिन।

रोमियों 5:10

किलैकि पैलि त हम पिता परमेस्वर का दुसमन छा, मगर अब यीशु मसीह की मौत का द्‍वारा हमरु मेल-जोल वेका दगड़ा मा ह्‍वे गै। अर हमतै पूरु यकीन च, कि वेका पुत्र यीशु मसीह को मुरदो मा बटि ज्यून्द होण का द्‍वारा हमतै छुटकारा भि मिललु।

मत्ती 16:4

ईं पीढ़ी का बुरा अर बिस्वासघात करण वळा लोग ही चमत्कारिक चिन्‍न खुज्यौदिन, पर परमेस्वर का रैबर्या योना का चिन्‍न का अलावा ऊंतैं कुई चमत्कारिक चिन्‍न नि दिखये जालु।” अर इन बोलि के यीशु ऊंतैं उखि छोड़ि के चलि गै।

यूहन्ना 7:7

अर दुनियां का मनखि तुम बटि बैर नि रखी सकदिन, पर ऊ मि बटि बैर करदिन। किलैकि मि ऊंका बारा मा गवै देन्दु कि ऊंका काम बुरा छिन।

लूका 19:27

पर अब मेरा वु दुसमन जु नि चाणा छा कि मि ऊं पर राज कैरुं, ऊंतैं इख ला अर मेरा समणि मारी द्‍या।’”

मत्ती 12:39

वेन ऊंतैं जबाब दिनी कि, “ईं पीढ़ी का बुरा अर बिस्वासघात करण वळा लोग ही चमत्कारिक चिन्‍न खुज्यौदिन, पर परमेस्वर का रैबर्या योना का दगड़ा मा जु कुछ भि ह्‍वे, वे चिन्‍न का अलावा ऊंतैं कुई चमत्कारिक चिन्‍न नि दिखये जालु।

1 कुरिन्थि 1:20

कख रै गैनी ये जमना का ज्ञानी लोग? अर कख रै गैनी धरम का जानकार? अर कख छिन बहस करण वळा लोग? पिता परमेस्वर न दुनियां का ज्ञान की कीमत तैं ना का बराबर कैरियाली।

1 कुरिन्थि 1:21

अर सच्‍चि मा पिता परमेस्वर ज्ञानी च। अर वेन अपणा ज्ञान का मुताबिक इन कैरी, अब चै मनखि कथगा भि ज्ञानी किलै नि हो, मगर उ अपणा ज्ञान से पिता परमेस्वर तैं नि पछ्याणी सकदु। इलै जब हम यीशु मसीह का बारा मा परचार करद्‍यां, त बिस्वास करण वळा लोगु तैं बचौण पिता परमेस्वर तैं अच्छु लगदु। अर जु लोग पिता परमेस्वर तैं नि पछ्याणदिन वु लोग ये वचन खुणि बेकार की बुल्दिन।