याकूब 4:12 - Garhwali

¹² पर नियम-कानून तैं देण वळु अर न्याय करण वळु एक ही परमेस्वर च। अर वेमा ही बचौण, अर नास करण की ताकत च। पर तुम कु होनद्‍यां, जु कि अपणा पड़ोसीयों पर इळजाम लगौन्द्‍यां?

गढवली नयो नियम

¹² पिता परमेश्वर ही च जु व्यवस्था दींण वलो अर न्याय कन वलो च अर उ बचौण अर नाश कन मा सामर्थी च। पर तु कु छै, जु अपड़ा पड़ोसी पर भंगार लगांणु छै?

याकूब 4:12 Referans Kwoze

रोमियों 14:4

अर तू कु छैई, जु कि कै दुसरा मनखि का नौकर को न्याय करदी? अरे, ईं बात को फैसला त वेको मालिक ही करलु कि उ अच्छु कनु च या ना। अर परमेस्वर को सेवक अच्छु ही करलु, किलैकि भलै करण मा उ अपणा लोगु की मदद करदु।

रोमियों 2:1

इलै हे इळजाम लगौण वळा लोगु, अब चै तुम जु कुई भि छाँ, तुम लोगु का पास अब कुई जबाब नि रै गै, किलैकि जौं बातों का खातिर तुम दुसरो पर इळजाम लगौन्द्‍यां, वीं बात मा तुम खुद ही दोषी ठैरैये जैल्या। अर सुणा, तुम दुसरो पर इळजाम लगौन्द्‍यां, जब कि तुम खुद भि ऊं ही कामों तैं करद्‍यां।

मत्ती 10:28

अर ऊं लोगु बटि नि डौऽरा जु तुमरि जान त ले सकदिन, मगर तुमरि आत्मा को नास नि कैरी सकदिन। पर मि तुमतै चितै देन्दु कि तुमतै परमेस्वर पर अपणी पूरि सरदा रखण चयेणी, अर वेसे डऽरण भि चयेणु, किलैकि उ तुमरा सरील अर आत्मा दुईयों तैं नरकलोक मा डालि के नास करण की ताकत रखदु।

याकूब 5:9

हे मेरा भै-बैंणो, तुम एक-दुसरा पर नि कुड़कुड़ावा, ताकि तुम पर इळजाम नि लगये जौ। सुणा, न्याय करण वळु प्रभु द्‍वार पर ही च।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

रोमियों 14:13

इलै अब से एक-दुसरा की गळती निकळण छोड़ि द्‍या, अर ना ही हमतै कुई इन्द्रयो फैसला लेण चयेणु, ज्यां से कि कै बिस्वासी भै या बैंण तैं अपणा जीवन मा उतेडु़ लगु या उ पाप मा पोड़ि जौ।

रोमियों 9:20

हे मेरा प्यारा भै-बैंणो, तुम एक साधारण मनखि छाँ, अर पिता परमेस्वर का दगड़ा मा बहस करण को कुई मतलब नि बणदु। अर जब कुई चीज बणयै जान्दी, त वा चीज अपणा मालिक कू इन नि बोलि सकदी कि, “तिन मितैं इन किलै बणै?”

लूका 12:5

पर मि तुमतै चितै देन्दु कि तुमतै कै बटि डऽरण चयेणु, तुम वे बटि डौऽरा जैका पास मौत का बाद भि नरकलोक मा डलण को अधिकार च, वे बटि ही डौऽरा, हाँ मि तुमतै चितै देन्दु वे बटि ही डौऽरा।